Vawlei cungah atu lio a kan buai bik tu Coronavirus hi zeitiang dah vawlei hi a den rih hnga, US President Donalg Trump zong a thinhunnak mei alh bak in a alh chin ko cang hih tah, US President Donald Trump cu Reuters nih a report bantuk in US chung Winsconsin leiah a tlawn i, mah a khualtlawnnak ah bia a chim i, pulrai coronavirus pandemic ruangah China cungah a thi hun tak tak tiah a chim.

American health official hna nih cun mah pulrai hi a lo ral kho lo ding le a karh chin ding thlauhmah dirhmun a phannak ding kong cu America President Donalg Trump sinah hin an chim I, cu ruangah cun President Donald Trump cu thinhunak tuar chuah khawh lo in China cungah a thinhunnak cu athar in a alh than caah mah ti hin a chim nak asi tiah Reuters nih cun a chim hi a si.

Vawlei pumpi in mah Pulrai hrik a karh ning hi tha tein ka hlat hlai tikah tih a rak nung zia le minung nunnak tampi a lak cang mi le hi hnu zongah nunnak a cang ding tampi an um ka hmuh tikah siseh, vawlei cung sui ngun chawva, ram pumpi zatlaknak phun tampi a petu a si pinah kanamh USA hi a zualhma bik le a tuar fakpi kan si fawn tikah hi vialte ka ruah than lengmang ahhin China cung ah hin ka thinhunnak a zual ter chin chin tiah twitter ah a chim. Source : Hindustan Times July 01, 2020

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha