Obama hi kum 8 chung bak USA President a rak tuan mi a si i, US caah tampi thatnak a tuah bantuk in chiatnak zong tampi a chuahpi ve. tampi nih an soisel nain tampi nih an uar thiamthiam ve. Donald Trump nih “Kung Flu” timi biafang a hman ruangah Trump umnak USA ah um ka zuam ti lo tiah Obama nih a chim. Asean miphun pawl thleidannak biafang a si caah aipuang in a ka tuah” tiah a chim.

 

Tuluk cozah nih Coronavirus cu US ralkap pawl nih an kan chiah tami a si tiah Tuluk cozah nih US a puh hnu in Donald Trump nih Chinese Virus timi le Kung Flu” timi biafang hi a faak deuh in a hman venak a si. Chinese Virus timi biafang cu a hram thawk ah CNN, Washington le New York Times nih a hman hmasa. Asinain President Donald Trump nih a hman ahcun miphun thleidannak a ngei tiah an puh.

Barack Obama le US Media Empire; Predsdient hlun, Barack Obama nih US President kum 8 a tuan chungah zetindah US main stream media pawl, social media le tech company ngan pipi a lemsoi hna timi le White house ah dinner ei sawm in a lemsoi mi hna kong.

Obama chan ah US national security advisor rian a rak tuanmi hna le Obama nih a hmanmi FBI minung pawl main stream media ah rian an lutnak kong, Republican le President Donald a dotu hna nih an hmanmi dossier le whistle blower pawl zeitindah main stream media ah rian an luh i, Donald Trump an dohnak kong le Obama le a nupi tiang in Netflix he riantuan ding in contract an tuahnak kong tlamtling nawn in Muko Mekazin June thla chuak ah ka tial.

Zeiruangah Main stream media hna nih mah tluk in President Donald Trump an doh timi fiang deuh in nan hngalh kawh lai tiah ka zumh. Hawile hna rel khawh rak i zuam cio te uh. Siaherhnak he,Credit:salai Lairamthang

By Chuncha