Democrats pawl nih Senate le House an control khawh cang caah simple majority [50%] nak ram deuh in tuah khawhmi upadi phung le lam poah cu an duhning an ser cang lai. Democrats cu liberal ruahnak a pommi an si caah Liberal ruahnak agenda bill tampi cu house le senate ah an chuahpi lai an fehter cang lai.

Trump supporters shame the US - The Sunday Guardian Live

Nancy Pelosi hruaimi House ahcun Gender Identities timi nule pa sinak, pale fa sina, ta le far sinak, tu le fa sinak, pi le pu sinak nule va sinak tibantuk vialte cu ithleidnak a si, irualrannak si lo ti in House ah an chuahpi cang. A rauh hlan i an pass ahcun House ah nule va, pale fa, ule nau, pi le pu, nule pa tibantuk hman khawh a si ti lai lo.

The 40 most utterly unhinged lines from Donald Trump's first post-election  interview - CNNPolitics

Mah hi same sex marriage a pommi, hna, nule nu, pale pa a duhmi hna, nule pa sinak a tlengmi hna nih an taw an sawh hna i an tuahter mi hna a si. Khrihfa kan zumhnak lawng si loin Laimi nunphung he a kalh tukmi a si caah tihnung ngaimi a si. Mah thil nih hin hmailei kan zatlang nunphung vialte zong a hnursuan te lai. Republican party nih mah bantuk phung cu mi hrut thil tuah a si an ti.

President Trump kan dirkamh, kan ttanpi mi hi amah pumpak kan uar tuk ruangah a si naisai lo. Zei bantuk policy dah a dirpi timi hi biapi bik in kan zohmi a si. Liberal Democrats President Joe Biden le Liberal lak hmanh ah a hlipi tiah ruahmi Kamala Harris nih anmah ruahnak Liberal lei kap in sau an kan hruai ahcun kan zumhnak le kan sining.

Trump says finally he will take part in peaceful transfer of power

kan zatlang nuning le kan nunphung tiang in tampi a hnursuan te lai. Zunzun le ekek nak tiang in a kan hnursuan khawhmi a si. Kan fale sianginn kainak zunn inn tiang hmanh in a hnursuan men te lai. Obama chan zongah tuah an timh bal. President Donald Trump nih executive oder i a thah piak hna caah a si. Credit: Salai Lairamthang

Relchap: President election vote/results hi, lih in vote mi le Citizen a si lomi zong nih vote mi cu ai tel hrimhrim ko lai ti 100 ah 100 ka zumh.  Sihmanhsehlaw, Court ah law suits tuahmi vialte ceihpiak dih a si ko i state cio zong nih results hi an cohlan (certified) dih cio pin ah Congress zong nih a fehter (certified) ko cang caah ahopoh nih kan cohlan dih cang ding a si, i al len ding khi zeihmanh a um/si ti lo. Ai liim cang. Zeitikhmanh ah ai thleng hlei ti lai lo.

Congress innpi luh hnawh/phul ruang tu ah US limhaang a zor viar i Capitol building pi an ven/congh ning an hei lawdorh zia vawlei pi an theihter hna i an mual a pho.  Iran le North Korea hrimhrim nih US hi ral i do/tuk ding hi an ngamh tuk cang hna lai ti ka zumh.

COVID nih a kan luh hnawhka ah mask cawk ding le siam zoknak hmanh a um lo, kan mualpho.

Atu vawleicung ah a himbik nak hmun i ruahmi Congress innpi hmanh minung 100 hrawng nih kut lawng in an ruun khawh, kan mualpho a zual.

ISIS rak i tel sual hna seh law US ram hruaitu tamtuk an thah khawh hna hnga i Congress innpi zong bomb in an puah khawh viar hnga.  US ram hruaitu vialte hi fawi tuk in pei thah khawh dih ding an rak si ko hi, tuante i kan theih lo tiah ISIS pawl cu an ṭang an i cum len lai. US hi Thantlang misual pawl khual vuak hmang ngai ṭung i ivuak taktak tikah a lawdor takmi pa he ka lawhter cang hna.Congress innpi chung ah luh hnawh in US lawmakers pawl hnahnawhnak an pek hna ruang ah zeidah chuak ti kan ṭial ṭhan telai, kan dam ahcun.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.