President Trump hi US economics lawng a ṭhatter lo. Middle East hrawng ISIS buainak meici vialte zong a hmih dih. Atu lelek Misile kah in ai hrocer pengmi North Korea leader Kim Jung-un zong daite in a umter. Afghanistan 🇦🇫 i kum sau tuk buainak a chuahpi tu Taliban phu le Afghan cozah zong daihnak (Peace Deal) a tuahter khawh deng fawn hna.

Tuchun ah Arab ram chung in UAE le Bahrain nih Israel he pehtlaihnak ṭha (i doh ti lo ding) ngei dingin White house ah minthutnak a ngeihpi hoi hna. Obama le Joe Biden chan ah Israel cu thinphang dirhmun ah an chiah hna. Vanṭhat ah President Trump nih a van chanh manh hna.

President Trump hi kum 2020 November thimnak ah tling rih seh law US mipi ca lawng si lo in vawleicung pumpi ca zong ah a ṭha cem ding cu a si ko. Joe Biden nih US a hruai ding cu thinphang a si. Thaizing a kalnak ding schedule hmanh ai chinchiah kho ti lomi a si. Cucaah President Trump hi vote deuh hrimhrim ding a si. Catialtu: Van Ceu Uk Khenglawt

Trump Noble Peace Prize laksawng pek an i timnak kong relchih: President Donald Trump cu Norwegian conservative Progress Party nih Noble Peace Prize laksawng pek dingah nominate an tuah Obama nak in pek phu deuh a si an ti Obama cu daihnak a tuahmi um hlan ah Noble Peace prize a co an ti Donald Trump nih Israel le UAE karlak daihnak a tuah khawhmi hrimhrim cu pek phu tuk a si an ti.President Trump lamhruainak thawngin nai ah khan Israel le United Arab Emirates (UAE) ram pahnih hna nih remdaihnak hnatlaknak an rak ngei cang, UAE hi Arab ram hna lak ah Israel he i pehtlaihnak tha ngeih a duhtu ram pathumnak a si.

Cuhlan kum 1979 ah khan Egypt nih Israel cu remdaihnak a rak ngeihpi, ahnu kum 1994 ah Jordan nih Israel cu hawikomh ah a rak ser khawh ve cang.Christian Tybring-Gjedde nih a chimning ah “Peace Prize rak co tu vialte hna nak hmanh in President Trump nih ram pakhat le pakhat karlak ah daihnak a um khawhnak hnga ai zuam deuh” tiah a chim i UAE hnu zulin ram pakhat le pakhat kar ah daihnak a um khawhnak hnga asi khawhchungin izuam ai timhnak a chim.US ram hi November 3 ah President thar thimnak ngeiding an si, Donald Trump hi term 2nak President peh than dingin Republican party in a dir than, Democrats party lei in Joe Biden cu President i cuh ve dingin candidate asi ve.

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha