USA cozah nih lam a kal i UAE le Bahrain cu Israel he i pehtlaihnak a tluan khawh nakding ah hnatlak minthutnak cu tu September 15, ah khan White House ah minung 700 itong in an tuah. President Trump cu aa lunghmuih ngaingai i “Tu zanlei hika i kan iton cu tuanbia thlen ruah ah a si,” a ti i “nichuah-laifang thar aa thawknak a si,” a tiah a chim. Mah hi cu Donald Trump caah hlawhtlinnak pakhat a si i Israel Prime minister ca zong ah a hlawknak tampi a um. Trump cu a ram ah covid-19 le cuar-thleidannak kong buainak nih a runh tuk lio a si i Netantyahu zong cu ziknawh a eihmuar kong he pehtlai in a ram ah harnak a ton lio a si tikah atu hnatlaknak nih tampi cu an buainak kha a philhter chung khawh hna tiah BBC siseh NRK experts nih an rauh.

coronavirus pandemic: Avoid discretionary travel, eating out: Donald Trump  says coronavirus crisis could stretch up to August - The Economic Times

UAE le Bahrain cu “the Gulf States” tiah theihmi an si i cu hlan ah Israel hi ram pakhat le cozah pakhat ah a rak cohlang lomi an si. Arab ram pawl asiloah nichuah laifang ram hna lakah 1978 le 1994 i Israel he remdaihnak minthut ruang ah Egypt le Jordan lawng nih phungning tein Israel cu ram pakhat ah an rak cohlanmi a si. Tutan hnatlaknak an tuahmi hi kar khat hlan bantuk si sehlaw, i lawm tuk ding a si. Amahbelte Saudi-Arabia an i tel lomi nih zeimaw cu a taanter ee tiah an ruah.

Israel, UAE and Bahrain sign Abraham Accord; Trump says “dawn of new Middle  East” - WORLD - OTHERS | Kerala Kaumudi Online

Palestine nih UAE le Bahrain cu nan kan leirawi tiah fakpi in an mawhchiat ve hna. Cun Arab vawlei ah tthencheunak fak taktak pei a chuak hi an ti. Mah cucu USA le Israel nih an duhbikmi cu a si ko, an ral an i tthencheu deuhdeuh paoh ah Israel caah a ttha deuhdeuh ve.

Zeiruang ahdah Palestine an buai ti ahcun Palestine nih State an ngeih hlan lo cu Arab-states le the Gulf states hna nih Israel he tluangte in i pehtlaih lo ting timi biatiamnak an rak ngeih caah a si i atu cu an leirawi hna tiah BBC nih a ttial. Mah hi hnatlaknak min an thut ni lila ah Gaza-stripe in Israel ramri ah Rocket voi hnih-thum an kah ti a si. Mi pakhat aa hliam. Mah hi Israel, UEA le Bahrain hnatlaknak minthut caah lam a kaltu hi President tuupa, Ivanka Trump i a vapa Jared Kushner (jew) a si.cc. BBC / NRK / FOTO: SAUL LOEB / AFP

Trump presides as Israel, UAE and Bahrain sign historic pacts | World  News,The Indian Express

Thawngpang dang>>>Mah bia cu Donald Trump nupi tthing, a fale upabik pathum i an nu Ivana Trump nih a chimmi a si i cucu a fanu Ivanka Trump USA president a si te lai ding kong a si. USA ah cun Bush le Kennedy te chung bantuk in politics ah a langmi an tlawmte i Clinton te chung nih an hun zulh deng nain Trump nih hmunhma lak thai dawh in a um. Cucu Democratic caah ruah duh lem lomi a si.

Donald Trump nih a ralaimi USA president thimnak ah Joe Biden a tei ahcun kum li White House ah khua a sak tthan lai caah atu i a nupi hlun, Ivana (kum 71) nih a chimmi hi a si lai tiah chim a har ngai cang lai. Ivana Trump cu Czech (atu czech republic) ah a chuakmi chawlet a si i Trump nupi hmasa le a fale Donald Jr. (42), Eric (36) le Ivanka (38) hna i an nu a si.

President nupi tthing nih cun a fanu Ivanka Trump hi USA nu president hmasabik a si lai i a pa nakin president tthadeuh a si te lai tiah Loose Women nih intervio an tuah ah a chim. Trump he an i tthen hnu ah va pali a ngei i ni kum khan a hnubik pa he an i tthen i atu cu Single a si. Trump zong nupi pathum-li pi a ngeimi a si. Asinain nihin tiang a fale cu an nupi le an vale he khua an sa ko hna.

Ivanka Trump made almost $4 million from Trump Washington hotel last year

Ivanka Trump hi a pa president a si in president ruahnak petu dirhmun in White House ah khua a sa vemi a si. A pa he an ruahnak aa khah lonak a tampi an ti. Pakhat cu atu hmanthlak chung bantuk in a pa nih hmaihuh (mask) hman a hau lo a ti cuahmah bu in Ivanka cu amah le a fale zong a hmanter hna. A pasal cu Jew miphun a si. Kum 38 lawng a si i atu ning tein a minchiat lo a si ahcun a nu chim bantuk cun a si kho lai lo tiah chim khawh a si lo. Mah hi 2007 i an nufa an rak i thlakmi a si. Foto: Sara Jaye Weiss/REX, NTB Scanpix

 Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha