America cu zeitin dah a si? vawlei cung vialte nih an cuanh cio mi a si. tutan thimnak le buaibainak an chuah pi ning zoh tikah a dawh lo tuk mi tuanbia thar an tial ko ne. ramkip nih zeiah an rel lo hna nak a chuah ko cang lai lo maw? Sungh cu maw kan duh lo hrim caah a si. fir le thil hmang lo cu puh awk a si ti hme maw? January 20 ah Trump dirhkam tu nih state sawm 50 ah lungtling lonak sandah kan piah lai ti authawng a thanh tuk ruangah vawlei pi a hnin ko.

Image may contain: sky and outdoor

Ni hin ni ah hi bantuk thil a cang hi US tuanbia ah an hmuh bal rih lomi Capitol  Hill rungveng tu ding National Guards pawl cu an phan taktak cang ko ne hih tah. President Elect Joe Biden biakam ni tiang security an rengh lai tiah Fox News nih a chim. Cheukhat nih mah hi Trump nih thil tuah a duh ruangah a thlah mi hna a si tiah a chim mi zong an um ve. A zei si hmanhah vawlei pi nih a zoh mi American hi daihnak a um i, tlamtling tein January 20 ah President Elect Joe Biden biakamnak a tuah khawh nak hnga thlacam bawm cio ko hna uhsih.

Trump Kong Chimtu: Off Grid Desert Farming with Paul & Adrienne 2 nih a chimmi cu hitin a ti. Nihin NATIONAL GUARD TROOPS, National Guad phortu nih avun thlakmi hna hi Trump timhtuahmi pakhat a ngeih ti hi rak i fiang u, cun Joe Biden (inauguration) sunglawi ngain President tlin tik venawk nan timi hi a ho nihdah hi kan hmuh bal lomi hna Washington, D.C an an vun thlak hna hi nan lung a fian awk a si cang. Trump nih rap chiah atimh tihi nan hmuh ko cang lai a ti.

Image may contain: one or more people, people on stage, people sitting and outdoor

Joe Biden le a misa hna nih USA cu sobul in kawilak an den dih mi kha Trump nih a funtom than tu a si. Trump nunnakah Pathian a sun parnak kan hmuh khawh i, khrihfa a dir kamh ning hi nan hmuh ko lai. Joe Biden nih zeitikah dah kan ralkap hi thazang a pek hna i a dirkamh hna nan hmu bal maw. Trump longlong nih USA kan ralkap cu a thawnter hna i a dirkamh hna hi nan mit nih a hmuh ko lai a ti hna.

Joe Biden hi innrangpi ah kum zeizatdah a um cang i, Obama chan lio zongah Khrihfa caah zeidah a tuah bal a ti. Nan hmuh ko cang lai. Tinhmi pakhat cu a um cang, hi vialte kan ralkap ram dawtu Trump dirkamh tu hi zatzat kan khualipi Washington,D.C an phak hi nanmah pawl nan lih tuk caah a si a ti. Social media vialte zong zeilam an panh lai an i fianglo, Lungtum chuih he an i lo cang lai.

Deeply disturbing: World reacts as Trump supporters storm US Capitol -  World News

Twitter labang cu nan hmuh ko cang hi. Trump a dohtu vialte khawika dah an kal dih, an lam atluang maw zohtuah u a ti. a tlangtarmi ah Nanmah tein itemchih, nangmah tein itemchih rap cu hikaah hin a chiah cang a ti. Laknak:Off Grid Desert Farming with Paul & Adrienne nih

Trump Trump Trump 2020 Election cu kan hnawk cio an buai cio. Trump hi election state pa 6 aithuimi ah khan teinak a hmuh . Cucu tehte tha taktak an ngeih cang hna. Congress ah khan Ted Cruz hmaika ah an pawng lulh ko kha.

Fir in teinak cu co an timh Democratic party pawl nih. Mike pence nih tuahdingmi lam pahnih a ngei. Pakhat cu a thiang lomi state pawl cu cohlan lo in election tuahthan khawhnak a um cucu lam pakhat a si. Cun lam pahnihnak cu innrang aiawhtu le Senate pawl vote thlakter lo in state in vote lakter kha a si ve. Mike pence nih a tuah duh lo, a ruang kanthei ve lo. Nihin nitiang mi thinlung chungah a thi kho lomi zumhlonak he President tuanding in an I tim fir siloin hramhram bak in chuhmi a si.

trump: A mob and the breach of democracy: The violent end of the Trump era  - The Economic Times

Nihin Social media nih Trump le a tanti vialte mipi covo lak an I tim , mei deh he ai lo, zei kan tawn lai an I theilo. Lam pakhat long an zulh . Lam a dihnak ah muihnak le thinak a um an ni theilo, kapkhat long in an kal, Google, Amazon, Facebook, Twitter Instagram le a dangdang pawl nih Trump le a hawi le cu an vun phih kham taktak hna. Kan tuah kho kan ti kho an ti.

Culioah Parler app cu a vun Thawng ve taktak kha asi. An hnahchuah I an vun kharpiak ve Google le Amazon nih, cu tikah internet nih nanmah ko cu maw nan I thawnter keimah a vun ti ve I, Google Amazon Facebook Instagram Twitter pawl cu a vun black ve hna, an chukbaling bak in an zuang taktak ve.

A timeline of Joe and Dr. Jill Biden's relationship - Insider

Trump te party nih Media pakhat dirh an timh cawlh ve, cu tikah anmah pawl caah cun thihnak lamlei ah an kal zeitin tuahawk an thei ti lo, Twitter a ngeitu cu inn Lawi zong a duh tilo, suimilam tlawmpal karlak I hitluk tumchuk cu a ti tiah an chim.

Ram dawtu nih kan ngol nai sai lailo an ti , Trump zong nih a ti ve . State 50 chung duhlonak lanhter an timh cang. Trump NIH DC ah ralkap a chiah fawn cang hna. Trump nih kumli a pehthan ah cun Mike pence caah thutnak a um ti lo. Amazon zong Alibaba ngeitu a umnak an thei rihlo caah Amazon thilri a phan kho tuk ve ti lo. Laknak, NTD, OAN, Fox RT. By Joseph Thawng Z Ting

Pu Trump (A lai min cu “Pate Lul”) a sunghnak a ruang pakhat ah a tel ve tiah ka ruahmi cu, amah a ttanhtu, Mizoram lei in Dr. PC Biaksiama le Mizo cheukhat, Laimi (Chinmi) chung in zatuak 90 (Lai pastor le evangelists tampi telh) hrawng nih hruhttanh le palhttanh tuk in nan dirpi ruangah a si ve. Nan i thawh i Pu Trump cu Pathian nih a hmanmi a si, a umpi mi a si, a thimmi a si, Khrihfa a kan dawtu le a kan dirpi tu a si nan ti. Amah a ttanhtu le a dirpi tu pawl zong a piangthar mi le Khrihfa ttha kan si nan i ti rih fawn.

Asinan Lai Media le Facebook ah nan cattialmi pawl le biachimmi pawl cu lih le hrokhrawl a tamtuk. Biden a ttanhtu pawl cu nan kan huat, holh dawh lo le holh chiakha in hehtiah nan kan ti. Duk tawk in nan kan vawlhpamh fawn. Messenger in ca nan kan kuat thinhar bu in. Kan cattialmi tangah khawmenh (comment) fak emem in nan kan pek rih fawn. Kan hmanthlak le kan min pawl zong nan i lak riangmang hna i kan si lo ning piin hehtiah nan kan ti rih fawn.

Nan thin a har, thil ttha lo tamtuk nan tuah i nan ziaza hrim a chia tuk. Mah cu maw Khrihfa nundawh cu a si? Pu Trump nan ttanhnak ah nanmah tein nan nun nan i hrawk dih. Midang thluak zong nan hrawh dih hna thawngpang dik lo nan ttial ruangah. Mah bantuk lungput le ziaza chia a neimi thlacamnak cu zeitin dah Bawipa Pathian nih cun a ngaih duh lai. Ziah an leh duh hna lai nan thlacamnak cu? Nan i tinhmi hrim pei a ttha lo cu.

Bible nih a timi cu mittha le miding thlacamnak cu Bawipa nih a ngaih a ti. Phungthlukbia 15:29 chungah fiang tein a chim ko hi “Miṭha nih thla an cam tikah Bawipa nih a ngaihpiak hna, sihmanhsehlaw miṭhalo cu zei ah a rel hna lo.” Jeim 5:16 chungah a ti rihmi cu “Miṭha mi thlacamnak cu hmual a ngei.” Pu Trump nan ttanh ruangah Laimi tampi cu nan Khrihfa ziaza a rawk lawng si loin hmailei nan nunnak zongah Pathian thluachuah hmuhnak lam a tlawm deuh ngaingai cang ko lai.

Cucaah cun Pu Trump a ttanhtu tamdeuh, nithum chung bak rawl-ulh in thla rak cam uh. Bawipa Pathian sinah ngaihthiam hal uh. Trump nan ttanh ruang i thinhar in thil ttha lo nan tuahmi le biadawh lo nan chimmi vialte cungah Bawipa sinah ngaihthiam hal uh. Pathian nih an leh hrim2 hna lai. Nan palhnak le nan sualnak vialte an ngaihthiam ko hna lai. Laimi tamdeuh le Mizo cheukhat nih Pu Trump cu hruhttanh le palhttanh rumro in nan ttanh ruangah a sunghnak hi a si ve ti khawh a si hi. By Van Tum

By Chuncha

Leave a Reply

Your email address will not be published.