Ramrum ramthancho hi cu uar an um, min vantha zong an si. A ho minung thleidan um lem lo in zatlaknak tawn lio caan zongah a cozah nih ana mipi caah rian an tuan ning hmuh a si tikah lung a hmui ngaingai.vawllei cung a kan buai tuk cang mi Covid-19 zawtnak zong US hi a tambik an sip eng tikah mi thinlung zong a nuam lo, cu bantuk harsat puicim an tong hmanhah an mipi nih an tonding harsatnak kha heh tiah an thatnak ding ah a ruah piak pen ko hna hi hmuh tikah a nuam hringhran.

Atu zong mah peknak kong he a pehtlaih in Salai Lairamthang nih a tial mi kan hrawm hna. Second Stimulus Check: Coronavirus ruangah harnak tongmi le thlahlawh tlawm deuhmi vialte cu US cozah nih Minung pakhat ah $1200 cio le ngakchia kum 19 tang paoh $500 cio pek a rak si.

Avoi 2nak bawmhnak kong cu hmaizarh nikhat ni thawk in senate ah ceih hram an thawk cang lai. White House nih a chuahpi mi le Democrats pawl nih an chuahpi mi Ceihhmainak an ngei lai. White House le Democrats nih bawmhnak pek an duh. Republican Party chungah US rampi leiba tam tuk ngeih a duh lomi cheukhat nih pek a duh lomi an um.

Unemployment benefit pek an si cang caah a herh ah an ruat ti lo, small business a thi dingmi pawl tu hi chanhchuah in rian ngei lomi riantuan ter an duh deuh. Bawmhnak hi a tlangpi in um dawh a si. Asinain zeizet bawmh ding timi le Zeitin kan bawmh hna lai timi ah an buai deuh lai.Catialtu: Salai Laairamthang

Relchap ding<< Tu kum Democrat party in president ai cuh ding mi Joseph Biden hi Catholic asi i atlin ahcun amah le John F Kennedy lawng hi Catholic in president atling balmi an si te lai. Dr. Micheal Brown (Ph. D in Languages and Literature – New York University ) nihcun Joe Biden president atlin ahcun 2012 lio ah fiang tein arak chim bantuk in nulenu/palepa țhitumhnak (Same Sex Marriage) cu adirpi țhan lai caah Khrifa biaknak zalonnak kong ah harnak kan tong te lai tiah achim.

Donald Trump hi mirum chung in achuak mi asi i ahringtu anu hi mi bomh arak duhmi asi ti asi. Amah Donald Trump belte hi atuletu party ai țhialmi arak si tiah amah Biography ah an țial. 1987 ah Republican party ah chungtel sinak min apek i kum 2 arauh ah achuah tak hna i amah tein (Independent) in aum. Kum 2000 ah president cuh ding in arak i tim tuah bal cang. 2001 in Democrat party ah alut i kum 8 chung aum hnu ah 2009 ah Republican Party ah arak kir țhan. Asinain Republican Party chung tak tak ahung luh cu 2012 lio ah khan asi i Mitt Romney president si ding kha arak dir pi. Mah nak khan Republican ah aum thai i 2016 ah Republican party in president avun i cuh i atlingmi asi.

By Chuncha