President Donald Trump a dirkamhtu, Proud Boys hruainak in a ra laimi zarhte ni November 14 ah Million MAGA March” on Washington DC “ tin tonpumhnak nganpi tuah an itim. An tinh bikmi cu Democrats hna nih thimfung an firmi an lungtlin lonak le President Trump cu mipi nih an dirkamh langternak rally a si lai. Freedom Plaza in Supreme Court tiang lam kan zawh lai tiah an thanh. Credit: Salai Lairamthang

 

US Attorney General William Barr nih election ah thimfung firnak le hrokhrolnak vialte a umnak hmun ah chekhlatnak tuah dingah nawl a chuah caah zeidah a cang la timi chim a har ngai. President Trump nih Twitter ah “We are making big progress. Results start to come in next week. Make America great again!” tiah a tial. A ttha lei Kap kan panh lengmang ko, hmaizarh thawk in a dikmi result an chuak lai. US cu ram lianngan ah kan ser than lai a ti. President Trump sihni Rudy Giuliani nih vote 300000 hrawng an firmi a si lai tiah a chim.

Khoidah Biden Chimmi Covid19 Phung tiah Donald Trump press scretary Kayleigh McEnany nih Twitter ah Joe Biden teinak a hmuhmi a lawmtu pawl a bubu in an ummi cu biahalnak a tuah. Trump nih Campaign a tuah lio ah mi bu a thong thong in tonnak a rak tuahpi hna i cucu Joe Biden nih a si awk si lo, zawtnak rang tuk in a karh lai tiah a rak chim. Campaign lio ah cun a si khawh chung mi tlawmte lawng le online lawng in a rak tuah. Asinain atu teinak a van hmuh tikah aa lawmmi American pawl cu White House hmai si seh an khua cio lamcung ah mi bu nganngan in an itong hna.

Where Donald Trump, Joe Biden Stand on the Key Issues

Trump Campaign ah minung 30000 leng an i chonh i 700 leng an thihmi kong Stanford University report kha kan rak thlah cang.Atu hi Biden nih mi zapi sin ah bia a chim rih lo pinah mibu i ton kong le Covid19 phun kong ah tuanvo ngeimi cu Cozah a si, Biden hi cu president a si rih lo. Nain mipi sin bia a chim tikah mipi nawlnak le Covid19 phung zulh ding forhfialnak a tuah lo ahcun cucu fakpi mawhchiat ding a si. Foto: NYP/ AP

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.