Nizaan Lebanon khualipi Beirut khua tilawng dinhnak pawngah bom a puak tiah Lebanon’s state news agency NNA nih a thanh. Minung 30 renglo an thi I, minung 3000 an I hliam an ti. Bom a puakmi hi ngan dawh a ngai a si. Meng 125 a hlatnak Cyprus tikulh hmanh in an theih khawh ti a si. Lebanon’s PM Hassan Diab umnak in zong a rawk I, a nupi le a fanu zong hliamhma an tuar ti si. Inn lo a rawkmi tangah a thimi le a hliammi tampi an um rih lai tiah an zumh. Chemical an chiahnak in a puakmi bom a si lai tiah an zumh.

ABC News – Breaking News, Latest News, Headlines & Videos

Thawngpangdang << Atu lio social media ah ceih le chim asi ngai mi Nawi Dam saknak kong he pehtlai in Salai Tialbawiling nih cun a mah hmuh ning le sining cu tang lei bantuk in a chim. Dam pakhat sak tik ah hlathlainak ṭha tein tuah hmasa hi a biapi mi thil asi. Kawl ram sining ah cun atu tiang ah ningcang tein hlathlainak tuah i Dam sak timi hi cu a tlawn ngaingai rih. Ningcang tein hlathlainak ah cun Environmental Impact Assessment, Social Impact Assessment, Health Impact Assessment le Economy Impact Assessment .tbk hi biatak tein tuah a hau leng ah humhimnak phung pawl zong tuah le ser a hau mi asi.Atu bantuk Nawi ti kan kham lai timi hi nihin lawng ah a chuak mi kong asi lo, kha hlan kum 4/5 ah khan rak ruah le ceih asi. Ram ṭhangcho pawl nih cun Dam sak hi tha an pe tuk ti lo a ruang cu thil ṭha nak in thil sual a chuah pi a tam deuh. Dam saknak thawng in din ti, mei tha le cinthlaknak caah a herh mi ti…tbk kan hmuh lai tiah ruah asi ko nain kha nak in har nak a chuah pi mi tam deuh.

Cu caah Nuclear le a dang sustainable energy lei tu ah an i mer. Atu bantuk Nawi Dam sak timh mi kong he pehtlai in Hakha cu vawlei nem mi asi (Kum 2015 mincimh kan rak tong bal cang mi asi). Cu tik ah khamh timh mi ti tha cu vawlei a nem nih a derh kho dih lai lo. Chin ram uknak hi Democracy taktak hmuh asi rih lo. Atu Chin rak uktu pawl hi Lai mi cu an si ko nain an rak ratnak lamtluan hi Socialist chan, Ralkap cozah …tbk ah Cozah rianṭuan dih hnu in Ram rian a ṭuan mi an si, Ram kip ah mi thiamsang tampi a cawng lio tu mino tampi an um Kan ram nih ṭhangthar mino ruahnak deuh a herh. Nawi Dam sak timh mi he pehtlai in dothlatnak ṭha tein tuah asi maw? Myanmar ram ah Dam sak mi thawng in a ṭhangcho tuk mi khua le ram aum maw? A fiangbik ni tahchunnak ah; Timit ti kan kham lai i Hakha din ti kan khim lai tiah a luan cia caan ah ser le tuah asi. Tangka tampi dih le thazaang tampi pek in rak ṭuan asi nain zei a chuak lo.
Cu ve bantuk in Nawi Dam sak timh zong hi Chun mang sawhsawh si lai. Party minthangnak, mah min ṭhatnak le mah ṭhutdan feknak menmen lawng asi ah cun hmailei ah kan ram le kan miphun kan mualphoh sual lai. Ka lawm

(Salai Tialbawiling hi Myanmar ram ah BA (English) le Maekhong School, Thailand ah Environmental and Social Science in sianginn a dih mi asi.) aliam cia kum 15 ahhin Environmental researcher in UNEP-Eco peace center South Korea ah Asia-Pacific regions environmental researcher a rak tuah. Enviromental he pehtlai in Asia khua tam nawn ah caan sau rian a rak ṭuan mi asi.Video credit:- Salai Tialbawiling

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha