Kawlram ummi nih post cu a him lo caah keimah nih ka postpiak hna. Warning!!! Ralrinnak!  Hipa hi ralkap lei ngiathlai tu asi. Nan hruaitu hodah asi. Khoikaa dah an um.Hmailei pehtlaihnak le theihhngalhnak ah A phone number ka chim ta tbk in an hal lengmang hna lai. A hal cang mi hna zong an tampi . A tutiang cun keimah tein ka ra ko .Hruaitu an um rua lo.

May be an image of one or more people, people standing and outdoors

Ka hngal lo tiah an leh dih! A cunglei biahalnak he a pehtlaimi an in hal sual hna cun ho sin hmanh ah chim lo a tha bik. An pu le he phone an i chawnhmi tam ngai ka theih cang. Ka nolh lai .Hipa hi ngiathlaitu asi. Save Myanmar. Hakha Chin State

May be an image of one or more people, people standing, outdoors, temple and text that says 'O.REDMI NOTE 8 AI QUAD CAMERA'

Note: Amah original posttu a himnak caah kan hlonhter i keimah tu nih ka rak post. Kawlram a ummi hna, atu lio cu Facebook nan ca ttialmi siseh thawng nan thanhmi pawl kha i ralring deuh ko u law, nan himnak caah ttih a nung pah i, an in tlaih sual hna lai. Ralkap phu an hrang chin chun cang i nan cattial tete zong lunghrinhmi nan si cun an in tlaih chih sual hna lai.  Cucaah zapi thawng thanh nan duhmi, a him lo deuhmi cu ramdang ummi kan fial u law, kanmah nih kan in post piak peng hna lai.

May be an image of 1 person, standing and road

Relchih:Myanmar ram cu lungrethei chin lengmang dirhmun a phan cang. Kawl ralkap tuanbia zoh tikah, ram mipi duhlonak langhtermi nih an lung a thleng kho bal rih hna lo; mipi thisen tu a luang tawn. Ramkhel lei thiamsang cheu khat nih, “2021 cu hlan lio deuh he cun aa dang tuk cang” an ti cio i cu aa dannak theipar cu a um phum te hnga maw, ti te khi kan i ruahchanmi cu a si.

May be an image of one or more people, people standing and outdoors

UK nihcun “Myanmar ralkap uknak hi khirh tthan khawh a si ti lai lo. Zeicatiah vawlei cung democracy ram ngan bikbik hna nih ralkap uknak khirhter tthan ding tiang in an tuah khawhmi zeihmanh a um ti lo” tiah a ti.

May be an image of one or more people, people standing and road

Nizan ah ralkap lei in Min Aung Hlaing nih ralkap dirhmun fiang tein chim nolhnak a ngeih tthan i kan biakam le kan tlahttem ti bak si ko khah! Cu lawng hlah, atu an ttuan cuahmahmi rian hnahnawhnak petu vialte {sandahpiahmi telh in} action kan lak cang lai caah minung cu zat kha zat leng a buu in um a ngah ti lai lo” tiah felfai tein ramri an ser cang.

Cu bantuk an ramri te lonhnak cun thisen luan hram aa thok tawn kha a si; a luan ciami caan ah!  Sandahpiah caan a sau deuh deuh, mipi zong an thi a lin deuh deuh ve. Ralkap lei nih le an ramri an bitter deuhdeuh ve fawn.

Cucaah ram chung ummi kan miphun hawi hna hi an him lo chin lengmang cang. Zeitik poh ah, thisen luang kho peng dirhmun kan phan cang hih!  Fak chin lengmang in kan miphun le kan ram caah thlacamnak ngei ko tuah hna u sih.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.