28-11-2020(Ni ruk ni) Khua mui ah nan tuhmi an kho lai i nan i lawm lai: Thlaici tuhtu hna: 1.Sung Sung..100,000/- 2.Chin Chin Nu..100,000/- 3. Hlawn. 100,000/- 4. Van Bik Sawmhal
100,000/- Fonh: kyats = 400,000/-

 

Image may contain: 1 person, closeup

Pi Ni Zi sin ah dawtnak thlaici nan tuhmi cu nihin zingkaa te ah ka va chanh. A fapa upa bik kum 12 hrawng te hi caa aa zuam, tuition tha tein a rak kai i caa a thiam fawn. Chimh zong a ngai ngingai. Pehzulh in caa a cawn khawhnak hnga ah tawlrelnak ttha tang ah, kyats – 400,000/- cu Bank ah chiah piak a si.

Pathian cung ah kaa lawm. Kut samhtu cung ah kaa lawm. Ngaihchiatnak a tongmi chungkhar cung ah kaa lawm.. Bawipa nih hin Laimi sin ko ah lungput tha thluachuah kan pe cio ko seh…Amen. Cung Hu

Samaria Miṭha Tinaa Nu Thil Tuah: 26-11-2020(Nili Ni) Dawtnak Phun dang Ruahning Phun Dang: FB Online chung ah mawhchiatnak dang zaangfahnak dang.. aa cawhtthup mi cung ah Tinaa Nu thil tuahmi: “Pa Hu nihin ah Pi Ni Zi kong an postmi ka rel i ka zaangfak tuk i Kyats – 100,000/- te, in kua ning law na va ka pek piak kho hnga maw” tiah a ka ti. “Ka pek khawh lai” tiah ka leh.

Nihin cu Pi Ni Zi cu a inn ah ka va ton. Thil sining le a ngaihchiatnak tampi a ka chimh. “Pathian he kaa naih chinnak ah cang ko seh law..Chinosi Mino Bu nih an tuah awk a si ko. An cung ah lungfah hleinak ka ngei lo. Hmailei caan ah keimah siseh, midang zong si hna seh nun ziadawh tu in kan nunnak hnga ah lam hruaitu tha a si lei ko lai e” tiah a ka chimh.

Thla camnak ka ngeih piak hnu ah Kyast- 100,000/- hi kan cohlan piak sawh tiah ka nawl ii a ka hlaan. Pathian sin ah aa lawmhnak le Tinaa Nu sin ah aa lawmhnak a phuan dih in ka ttin tthan. Mi zeipoah kan lungthin putning cio hoih in Pathian nih thluachuah kan pe cio ko seh..Amen.. Credit-Cung Hu

Pi Ni Zing@Saa Doi hi Hakha khuapi ah i chawh in Laithil le a dangdang tibantuk a zuar tawn mi a si. Thil a zuar pah in mi inn purhdah le thillaak a hman ca ah, rak i ralring cio u! 2020 November 24, Chin Oo Sii Sang inn pakhat ah chungkhar an um lo karlak ah a lut i, an thingkuang a bauh, Lai puan le Laihni a lak ca ah, Sangmi nih kan tlaih. Cucaah, nan sang le nan inn cio a rat tik ah rak i ralring cio hram u. Cun, a bik in Chin Oo Sii sang chung ah fir hi atuletu a um lengmang ca ah atu bantuk in theihternak le ralrin peknak hi kan tuah mi a si. Sang chung mi hna zong, inn hrenh loin kaltak lo ding le lenvah caan ah inn tha tein hrenh cio u, tiah Chin Oo Sii Mino nih kan in theihter hna. Chin Oo Sii Mino, Hakha.Credit:Mai Diana.

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

 

By Chuncha

Leave a Reply

Your email address will not be published.