Pfizer le BioNTech company nih an sermi COVID19 raikhamsii cu minung 43500 sin i hneksaknak an tuah hnu ah 90% rian a ttuan i virus in a khamh hna tiah an hmuh. A rauh hlan ah an chuah cang lai. Sizung lei riantuan mi phawt hmasa an si lai ti a si. Norway hi EU a tincomi chung in phawtzam a si ve te lai. Russia nih an sermi Covid19 raikhamsii hi tu hnu zarh hnih ah minung tam taktak sin ah an hman cang lai. Note: Vaccine timi hi Laiholh in “Raikhamsii” tiah hmang cio usih law a ttha tuk hnga. Kan hman cang lai, kannih cu. Cc: Financial Times, NRK

Pfizer says COVID-19 vaccine 90% effective in Phase 3 trial - The Hindu

ThawngpangDang>>> Khoidah Biden Chimmi Covid19 Phung tiah Donald Trump press scretary Kayleigh McEnany nih Twitter ah Joe Biden teinak a hmuhmi a lawmtu pawl a bubu in an ummi cu biahalnak a tuah. Trump nih Campaign a tuah lio ah mi bu a thong thong in tonnak a rak tuahpi hna i cucu Joe Biden nih a si awk si lo, zawtnak rang tuk in a karh lai tiah a rak chim. Campaign lio ah cun a si khawh chung mi tlawmte lawng le online lawng in a rak tuah. Asinain atu teinak a van hmuh tikah aa lawmmi American pawl cu White House hmai si seh an khua cio lamcung ah mi bu nganngan in an itong hna.

US Election 2020: Biden or Trump? This Indian astrologer has an answer for  you

Trump Campaign ah minung 30000 leng an i chonh i 700 leng an thihmi kong Stanford University report kha kan rak thlah cang.Atu hi Biden nih mi zapi sin ah bia a chim rih lo pinah mibu i ton kong le Covid19 phun kong ah tuanvo ngeimi cu Cozah a si, Biden hi cu president a si rih lo. Nain mipi sin bia a chim tikah mipi nawlnak le Covid19 phung zulh ding forhfialnak a tuah lo ahcun cucu fakpi mawhchiat ding a si. Foto: NYP/ AP

Trump campaign books wrong venue for post-election presser, leaves netizens  in splits | Trending News,The Indian Express

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.