Septermber 12. kha “The Fast And The Furious”-fitlaw Paul Walker kum 47 a tlin ni a si. 2013 ah mawtaw eksiden in thihnak fak ngai a rak tong, mah lio ah kum 40 lawng a rak si rih. Paul Walker nih Rebecca Soteros (46) le amah he an ngeihmi a fanu Meadow Walker (21) a tantak hna. Tutan a chuahni he pehtlai in a fanu nih Social Media ah a pa philh lonak le cawisannak ah a ngakchiat lio i an rak i thlakmi hmanthlak a tar.

Paul Walker's daughter Meadow 'estranged' from dad's family after 'cutting  them out'

“Faphir kan si ka rak i hngalhnak caan tawite; Aa dawhbikmi minung sinah chuahni sunglawi.” tiah a ttial chih (Soul hi minung in kan leh.) Paul Walker a thihnak mawtaw hi Germany sermi Porsche phun a si i a fanu cu phaisa tampi an liamh tiah theih a si, a ruang cu Security- thilri tlingdeuh in rak hmang hna sehlaw mah eksiden khan an thi hnga lo tiah ruah a si caah a si.Credit:TRC

Paul Walker's daughter is all grown up and honoring her dad's life

Thawngpang dang <<<Bawlung kum an hun thawk cang i France League 1. ah PSG le Marseille an chuih ah an i vel hna i minung panga Redcard an hmu. Cun PSG 0-1 in an sung.Leandro Paredes nih Dario Benedetto a zuan hnawh i a thluk caah Yellowcard pahnih veve nak an hmu i chuah an si. Cu kong an i el hna lio ah PSG hnukham Layvin Kurzawa aa sum kho lo i Kung-fu a hman caah chuah a si ve. Amah he aa nammi Jordan Amavi zong Redcard a hmu ve.Cuti minung pali an chuah hna lio ah cun i sik cu an ngol lo i a thlite in Neymar nih Alvaro Gonzalez cu a tukbakhur ah a thongh. Mah cucu bualupa nih a hmu lo nain VAR an zoh tthan tikah a lang. Cucaah Neymar cu an chuah ve. Journalist nih a ruang an hal i “Racist a si caah ka thonghmi a si, a hmai ah ka thongh lomi kha kaa chir,” tiah Neymar nih a chim.Phaisa liamter lawng si loin caan zeimawzat cu bar (chuihter lo) an si kho, an ceih rih hna lo. VG/ Sport1

FIVE red cards, including Neymar, in last minute as PSG lose to Marseille -  Eurosport

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

 

By Chuncha