Covid-19 phung buar ti ruang ah thongthlak mi saya David Lah cu tuni August 14 ah Yangon Insein thonginn in a chuak cang tiah Insein thonginn palik bawi pakhat nih a chim . Thonginn a luat cang nain Saya David Lah cu Lah-wah-kah lei ah tuanvo kan hei khinh colh hna i a rauh hlan ah a mah ram a simi Caneda ram ah a kir colh lai tiah a chim chih fawn . Zei ca tiah Saya David Lah cu kawlram mi a si ti lo i a mahram Caneda ram ah kan kuat colh nak a si i hmailei konglam cu a tu ahfiang tein chim khawh a si rih lo nain , kawqlram chung ah thawngtha chim in a um i can zeimaw zat cu zalen tein a cawlcang cang nain a tu buainak a ton hnu ah cun a mah ram caneda lei ah kuat colh dingin lah-wah-kah nih tuanvo an lak colh lai a ti fawn .

Christian pastor who defied Myanmar law positive for coronavirus ...

Saya David Lah he thong a tla tti mi U Wau htun cu thonginn a chuahnak ding ah ni 2 ai duh rih i thaizing kip lei ah cun a chuak kho ve colh ding a si .David Lah le U Way Htun cu covid-19 phung buar ruang ah poh-mah 30(kah) hmangin August (6) zinglei ah Yangon Mayankung myone biaceihzung nih thong thla(3) chung tla dingin bia a khiahpiak hna. Biaceihzung ah an kal chung hi thong chung ah an um peng caah thlathum thong thlak ding an si i thongchung i an um ni an van zuh tik ah zarhkhat le tlawmpal a tlak ah an chuah colh hna nak a si .Thonginn chungin a chuak cang nain , kawlram ah a hlan bantuk in thawngtha chim rian pehcolh kho lo in caneda ram lei tu ah kirter colh i a hnu ah a sining zulhin kawlram chung ah thawngtha chim khawh le chim khawh lo nak kong cu phungning in zulhdawi a si than te lai tiah Myanmar “One News Myanmar Media ” nih cun a tar.

Sayar David Lah - Brethren Church ( 30 Mar 2019 ) Night - YouTube

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Trump Says Some Men May be 'Insulted' by Rival Biden's Promise of ...

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha