Camp Victoria ah upatmi kan miphun caah rianttuantu hna! (Kan miphun ah Upat mi Pastor le Khrihfabu rianttuantu upa vialte, CC rianttuannak ah CNF rianttuan tu mlawng klan ni phazo lop i, kan Chimpi ve uh uh, kan bawm ve hram uh tiah kan nin sawm hna)

Chin Miphun Unau vialte, Kan Chinram a luat lo. Kan miphun kan zalawng lo. Hi luatnak le zalawnnak hmuh ding, a kan uk tu pawl teinak ah kan Chin miphun thazang tthawng tak tak kan ngei ko. Cu cu kan hman thiam lo, kan hman khawh lo caah mikut tang ah kan tang. Hi kan thazang hi kan hman khawh lo, kan zaapi kan cawl cio lo ah kan miphun dang kut in kan Chinram kan luat ter kho ti lai.

Kan thazang tampi lak ah ramdeng i a um mi kan miphun sin ah a ummi phaisa thazang kan hman khawh rih lo mi kong hi tuzing kan ruah cio ding ah vun langhter ter ka duh. Human resources le a dang pawl ka chim rih lai lo. Ramleng (ram thumnak) ah Chin miphun a um mi hi a tlawmbik 80,000 hrawng kan si i, USA lawng hin 65,000 a tlawm bik kan um lai ti kan tuak. Chin Baptist Churches of USA (CBCUSA) lawng ah hin Church 115 um a si i, member minung 32,000 a tlawm bik kan um. Hi a um mi lak ah hin cheu li ah cheu khat (25%) nih riang kan ttuan i, CBCUSA lawng ah hin rianttuan tu 8,000 kan um i, USA ah lawng ah hin 16,000 kan um. Million in phaisa a ngei cang mi zong um a si nain, kan miphun caah kan thawh cio mi belte cu a tlawm ngai rih.

Chinland Club (CC) tiah kan ti mi kan Miphun Security Fund (kan miphun a himnak Fund) ah hin Chin Miphun ramthumnak rianttuan tu vialte nih kumkhat ah $200 cio thawh ve in, kan miphun a himnak caah CNF bawmh ding in CNF rianttuan tu nih kan nin sawm hna i, 2010 in kan au pi cuah mah. Hi kan saduh that hi tling kho seh law, CBCUSA chung lawng hmanhhin $1,600,000 ($1.6m) a chuak ding a si i, ramleng kan miphun 20,000 rianttuan tu sin hin $4,000,000 ($4 m) fawi te nih hmuh ding a si. Kumkhat ah $200 thawh cu thlakhat ah $16.67 lawng a si i, nikhat ah Cent/pia- 56 ($.56) te khi a si ko. Thil har a si hrim hrim lo.

Kan Kan miphun kan ttan tti dih i kan ni timh ning i kan kal khawh ah cun Dollar Million 4 hi fawi tuk in a chuak ko lai nain, kan miphun caah nihkhat Pia-56 hmanh a thawh kho, a thawh duh lo mi miphun kan si rih ah cun miphun dang kut ah a zungzal a tang ding tlak hrim hrim kan si ko lai. Hi pia-56 nihkhat thawh ding hi ttha tein kan ni chimkhawh ah cun kan miphun ah a tho duh lo mi kan um theng lai lai lo. CNF rian rianttuan tu kum 10 chung kan ni zuam lengmang ko nain, kan thazang nih a phanh lo ca tu ah hin a si. Mah caah kan miphun ah mipi he pehtlainak a ngeih a tam bik mi kan Pastor hna, kan Evangelist hna le Khrihfabu rian ttuan tu vialte nih nan Biakinn cio ah kan chimpi ve hram uh tian kan nin sawm hna. Credit: Daniel Sakhong

Thawngpang dang,, Trump nih Joker le Rang Ai Chiah Rihmi le Apehpar: Doll cuh balmi nih zawkor (Joker) le Rang cu theih ngai asi. Zei a rak chuah zong ah zawkor nih a tei, si lo le Rang nih a tei. A (Akah) zong, K zong Rang 1 nih a tei. Nain zawkor cu 1 lawng si tawn i Rang zong hi tampi ngeih awk tha tawn lo tik ah, sungh ah cun sungh asi ko, Doll 1 hrawnghrang cu hmuh phawt i sungh si ko ne.

Trump nih zawkor ah ai hmanmi cu elekson a dik lo tiin taza cuai asi. Apoinak cu a pelte zong a tei ikpak lo. A lei ttang an um ti lo ti a lang. A dik lomi hmanh rak um seh law, cucu remhthan le doh ding ah thazang a nei ti lo, taza a cuai deuh deuh, a mual pho deuh deuh, Biden a tei deuh deuh tiin asi lehlam ding khi asi cang. A Zawkor pi cu cabuai ah thlak! tiah thang nawn in a tengh nain, a comi cu doll si lo in, thathnem lo asi pin ah pamchin a tong lehlam.

Rang in a hman khawh dingmi hna cu Electoral college vote asi. Electoral college hi 538 an um i, mah hna nih hin mipi duhnak si lo in an mah nawl bak in President hi vote khawh asi. December 14 2020 ni ah hin Electoral College nih vote an thlak te lai. Mi pi tam deuh nih Biden an thim caah cu mipi tampi aiawhtu EC nih Biden an thim ve lai tihi logical dependency ti asi. Nain, Trump nih hin 538 ah 270 hi phaisa bak in $$$(illegal) le politics in a tlawmh khawh sual hna ah cun, teinak an pek khawh rih. Mah hi te nih hin samfang tia in ai bah. Trump i a zawkor pi cu eibar a chuak ti lo. A Rang cu a hman khawh rih. Nain, The New York Times i analyst hna nih an tialnak ah cun US tuan bia ah cu bantuk cu a um bal lomi asi, legally asi kho lai lo tiah an tial. Nain, mah hi possibilities a um i US constitution nih a thlauh lomi asi.

President-elect Joe Biden cu, a dang president hna tuah cio bang in President tuanvo lak dingin tinh tuahnak tampi a ngei ve. Mah hi President kip nih elekson le inauguration kar ah tuahmi asi cio. VP Harris hi InnRangpi ah riantuantu lutlai ti khawh asi. President bawmtu cu si cu mu. Tu tiangah Nu lawngte (All-women) staff ai thim hna i(YahooNews) cheukhat cu an lau ko. Thlakhat ah ni 3 vui khat cu Inn rang khar lengmang dawh asi (Capo ). Nain, nu hi pa nak in office rian an tei deuh tuk. Hillary bantuk in diathlang in an um belte ah cun 6 millions $ le Bengazi bang kan hluan than te lai.

President Obama le Biden kong ah – CBS nih interview an tuahnak ah khan tling tein a um. President Obama nih “Biden] doesn’t need my advice, and I will help him in any ways that I can. Now, I’m not planning to suddenly work on the White House staff or something.” tiah a rak chim. Biden nih keimah ruahnak pek a herh lem lo. Bawmh khawh tawk cu ka bawmh lai ta. Inn Rangpi ah riantuan than ding tbtk kai tinhmi a um lo. Tiah a rak chim. ( President Obama i A Promised Land timi cauk cu ni khat chung ah uk 887000 leng an zuar khawh. Atuhi uk khat $25 in 1.7 millions leng an zuar cang. )

Cu tin asi ah cun, Pu Trump i a uih cangmi zawkor pi cu eibar cu chuak ti hlah si kaw, pakhat lawng abau. December 14 ni zanlei ah thil duak tiah a cang kho ve ti hmuh khawh asi. Rang pawl hman khawh asi rih ko. Nain, si dawh cu a lo lo. Hei cang sual seh law, America a buai taktak lai, thisen tiang an i luanh khawhmen te ding asi. Um… zei khom si ah Phekahnak ko a lomi a thurhnawm taktakmi US Politics cu, a kaphnih tein a rak hnawmtam hrim ko. Credit: Salai Biak

By Chuncha

Leave a Reply

Your email address will not be published.