Pu Trump ttanhtu upa le hruaitu (pastor, evangelist, le vawlei lei hruaitu) pawl nih Trump vote pek ding le ttanh ding in Laimi zapi zaran nan forh hna i mah pawl nih cun hehtiah a hman lo ning in atutiang Trump kong cu an ttial peng rih ko, an lih le an hrokhrawl in. Biden ttanhtu pawl khawmenh ttha lo le zoh dawh lo ngai in Facebook ah a phun2 in an kan ti. Asinan hruaitu pawl cu dai tein nan um cang, nan si ti hna lo/nan mawhchiat ti hna lo.

5 reasons why Democrats are after Donald Trump in final days of his office  - News Analysis News

Mah thil vialte an tuahmi nih khin Lai miphun le Lairam caah tthat lonak tampi a chuahpi te lai hmailei ah. Lai miphun caah Pathian thluachuah a khamtu an si ti khawh si. Curuang ah, Trump ttanhtu upa te sinah biacah kan duhmi hna cu Trump ttanhtu zapi zaran zeithei lo pawl sinah ca chuah uh law, Trump kongah thawngpang hman lo ttial ti lo ding in le Biden ttanhtu pawl cungah biafak le holh dawh loin khawmenh pek ti lo ding in, le zohdawh loin a phunphun tuah ti lo ding pawl in hei ti hna uh law a ttha tuk lai ka ti.

Donald Trump impeached: What's next after House impeachment vote | World  News – India TV

Mah thil ttha lo an tuahmi vialte nih khin anmah ca le Laimi caah thil ttha lo tampi a chuahpi te lai ti ka phang. Hruaitu pawl nan rian bak a si. Aruang cu nanmah upa pawl nih fawh hehtiah nan forh hna cu Trump vote pek ding in. Thil ttha lo a phunphun an tuahmi vialte le thawngpang hman lo ttial an hmang pengmi pawl cu hei ngolter cang hna uh/hei thlauh cang hna uh tiah kan nawl hna. Ningzak thil fawh an tuah rih lengmang ko hna khi. Pathian thluachuah a phurtu ding thil lawng tuah cang hna uh sih.Credit:Saya Van Tum

World Evangelism Conference 2019 Day 3 – NOW is God's timing! - Pastor  Jella JR Wojacek - YouTube

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.