Thlam hrawnghran ah a riak i khua a sa tawn mi thil fir in tampi a tong cang mi Mausen khuami zong nih an kawl peng mi Ari kum 20 Apa min Bawithaw, District, Palletwa, Myanmar cu Lunglei Police hna nih fahpi in an kawl hnu ah tuzing zingka ah an hmuh i an tlaih khawh cang tiah an chim.

Ari hi Kawlram zong ah a fir mi 125 (Uan Tru Faih) hmangin February thla thok ahkhan Chawntlangpui khua ah ark phan i. Kawlchaw khua ah bike a fir than i an lak piak than manh hnu ah Lunglei lei ah a rak phan than tiah theih a si. Pukpui ramah khuasa a sak than i Mausenah Scooty le Mobile pahnih afir than tiah theih a si, Mausen khuapi nih cun an khupi in an kawl, hi ka hrawng ahcun a um chungah chung hian sianginn le Mausena Scooty cu a tongh tham than i scooty pakhat labang cu lamtlangah liam in a mawnh piak hna tiah an chim.

Mausen khuapi zong nih cun an kawl cawlh ve i, a hnu an zulh peng nain hmun dang pi ah athial manh i, Rotlang West leiah a kal i mi thlamchungah a va riah, cu zong ah cun mi Thlam a zohhentu phaisa Rs 5,000 cu a va fir piak rih. W. Rotlang lei nih a konglam an rak theih in VLTF hna he a si khawh chung in Ari hmuh ding in an kawl.

Ari hi Bungtlang South lei a panh ti a thawng an theih lecang ka in a hnu an zulh cawlh i, Nizan ah khan Lunglei Police tang i DSB hna Bungtlang South, Lawngtlai District nih Bungtlang South YLA te pawl he Ari hi zing suimilam 4:30 hrawngah an tlaih khawh i, Nihin ah Lunglei Police station ah an phurh i, an phan pi tiah thawng theih asi.

Ari hi tahizingah court-ah a kong lam ceih cawlh a si lai ti zong in an langter. MAY 10, 2020, LUNGLEI CHANCHINTHAR

By Chuncha