Chin National Front The 7th General Conference cu Camp Victoria ah Kum 4 dang ah an tuah tinmi cu March 16 in tuah hram an thawk i March 19 ah an dih. Hruaitu thar zong I thimnak an tuah pinah atu lio Kawl Ralkap le AA nih kan miphun cung I harnak an tuar ter mi hna kong zong cathanh an chuah.

 

Atu lio Kawl a cozah ralkap le AA hna nih paletwa chung buainak ruangah ning cang loin ralsernak an tuahmi hi chin miphun caah zual ral a si cang tiah kan pom. Cu caah cozah le AA hna nih palewa ah buainak an sermi hi ngol cawlh hna seh, AA nihchin miphun hna vawlei ah raltuai a sermi le a ummi hi tuah ti hrimhrim hna hlaseh tiah kan hal tiin cathanh chungah an chuah chih mi hmuh asi.

CNF le Palai hna minung 151 nih Conference an kai kho tiah theih an si. Atu lio Corina Virus ruangah ramleng ummi kan pa le cheukhat cu an tlung ngam lo caah Online tuin an telpi kho hna tiah kan theih fawn. CNF riantuannak le atu lio Kawlram ramkomh cohzah ramkhel party hna tlangcung miphun hriamtlai hna remdaihnak lamthluang kong hna zong ceihkhan tinak an ngei tiah kan theih.

CNF hruaitu thar thimmi hna

Chairman: Pu Zing Cung, Vice Chairman 1, Pu Thang Ning Kee, Chairman 2, Pu Lian Hmung Sakhong, Chairman 3, Dr. Sui Khar, General Secretary Salai Thla Hei, Asst. Secreatry 1, Salai Ram Kuih Cung Asst. Secretary 2, Salai Htet Ni Asst. Secreary 3, Pu Ral Hnin an si.

Credit: Chin National Front Headquarters FB

By Chuncha