Ralkap nih AA an kah hna nakin daihnak an tuahkhawh hi kan caah a tha deuh.
Chin miphun cheukhat nih Ralkap nih Palatwa pengah ralkap nih AA an kan thawlpiak tiah a ruat mi kan um len. A ngai te ah cun Palatwa ah Cozah ralkap nih AA an kah hna ruang le kah hna lo ruang ah AA nih kan ram hi an lak lai tinak a si lo hi ruahnak hi cu thinhung lungfah lungin khuaruat sual mi ruahnak tu a si deuh tiah ka ruat.
Cabuai cungah ramkhel kawng biaruah nak cungah a hngat te ding tu a si deuh. A ngai te tiah cun Khumi kan u nau pawl duhnak thinlung khuanu khuapa Khuapi palatwa zipengbawi pawl duhnak thinlung cungah tampi aa hngatngai te ding a si.


Palatwa ah AA va doh len nakin a biapi deuhmi cu “kah daihnak tuah sehlaw ralzam vialte nih an khua hmun tha tein khuater than hna seh ti i zuam, Paletwa khi khayieng pakhat a si khawhnakding i zuam ding, Chin miphun mitampi palatwa ah hmun va khuarter, Palatwa ah Collage University siangin chiah piak khawhnak le Biaknak lei in Bible sianginn hna zawng Dth tal tuahpiak khawh i zuam hna hi a biapi deuh mi a si.
A ngai te ah cun AA khi ralkap cozah nih a doh len mi nakin , Cozah nih palatwa rammi Hakha thantlang lei a thial mi hna tukhi Palatwa Ram kan sunghnak ding lam a kan panh tertu cu a si deuh le lam tiah ka ruat .
Dainak tuah hna sehlaw inn le lo khuarter than hna sehlaw, ram an hlum thankhawh nak hnga Chin mipi ramchung Ram leng i bawm in biatak tein ttanpi u sih law bawmh u sih cucu palatwa kan ramah ser khawh nak lam cu a si deuh le lam hnga lo maw ka ti.
Kei mah ruahning cun si kho sehlaw kan ramri run ven kan duh taktak ah cun le ram kan dawt taktak ah cun kalay ah maw , Kankaw zawngah maw khuapi thial hmanh khi ka duh ko. Kan mah pengle tlang ah i huipeng nak thinlung hi kan thlau a her cang. Cu nakin a biapi deuh mi cu kan ramri a feknak ding hi biatak tein kan ruat a herh ko lo maw ka ti .
Kan mah le khua le ramah I hui lengmang ding a si ti lo kan Ram kan dawt taktak ah cun Hakha /Thlantlang / Falam /Tidim /matu kan thancho nakding lawng kan ruat ding a si ti lo. Cu nakin kan ramri a himnak ding le a feknak ding caah biapi deuh mi cu ramri run vennak caah ramri thancho ter tu hi kan ruat deuh ding mi asi cang ka ti. “State dangnih an kan det khawh nak hmun poh thancho ter ding” kan i zuam a herh cang ka ti. Cucu kan himnak caah tha bik a si ko lai ti 95% in ka zum ko.
Ralkap cozah nih AA an kah doh len hna hi kan miphun caah le kan ramri runven nak caah a that hnemnak a um lo i kan innpa he i huatnak le Chin mi nih chanchung ral kan ngeih nak lampi an sial tu khi a si deuh lelam te lai.
Tlamtlin lonak tampi le miphun vialte upatnak he. Dam te cioin.

 

By Chuncha