Vawlei cungah minung hi zei bantuk rum le thil ti kho ko uhsihlaw kan pum taksa a dam lo ahcun sivang in le nuam lo in caan kan hmang i zeihmanh tuah tuan khawh a si lo. Kan dam ko ahcun sifah retheih kan si zongah nung a nuam i zei thil tuah tuan poah ah ungthin tha a dam.

Atu lio vawlei cung thawngpang lakah Corona Virus zawtnak kong hi thinlung a khoih bikmi a si. Minung nunnak tampi a kan lak cang i, minung tampi thih lai a bawh mi le lungre theih ngai in ihkhun cungah le room hmete ah mah tein a thlop lio mi um lio a si. Cu tikah hi zawtnak hi kanmah tuah sual ruang zongah kan i kuh mi a si lo i, rian kan tuannak siseh, leng kan chuahnak ah siseh, siizung hna kan kal nak ah ti bantuk in i kuh/chawnh khawh mi tu a si tikah dam lo kan tong hmanh ah ningzah ding pakhat hmanh a um lo.

Ramtha labang ahcun siibawi te an thiam, an si ai hmangmi le an thilri a tha tikah thinphan ding hrim zong a si lo, Atha bik mi tu cu hi bantuk thil ka ton/ngeih tik tu ah kan nupi maw kan pasal maw kan fa le maw kan unau le Pastor ti bantuk cu chim hrim a tha. Keimah pakhat ruangah ka pawngkam kha kaih khawh an si ve tikah chim hrelh lo bak a si. Kan i zohkhen tik zongah lung tha dam tein i zohkhen hi a biapi tuk fawn.

Atu bantuk in kan Unau a si mi US ah khua a si mi Pu Hram Ceu le an nu hi ka uar taktak hna, Atu lio COVID-19 in ni 15 a zohkhen hnu ah Pathian nih damnak a pekmi kha mipi sinah a Fb ah Pa Pathian thawng in le hawi le hna nan thlacam piak nak thawng in ka dam ve cang!!! tiah lawmhnak bia a chim. Kan dam ahcun mah ti hin Pathian sinah lawmhnak chim bak ding a si. Laimi cheukhat cu ningzah phun khin kan um rua, dam zongah chim duh lemlo mi kan tam. Zawtnak dang he aa lo mi a si caah kan dam nak hi chim phuan a tha ngai mi a si. Bawipa nih damnak tlamtling he umpi chin lengmang ko seh. Atang ah an nu nih a zohkhen ning kong a tial mi cu lawmh a um ngai.

Kan pa COVID-19 in a zaw a tu cu pathian thawng in dam nak a hmu ve cang . Micheu nih cun ai ku ve lai tiah a ka ruah mi an um ve a sin ah ka ih pi a thlan ka kut in ka hnawh piak Pathian thawng in kei mah cu tu tiang ka dam ko nain khamh nak ding ah ni chiar ti sa ka ding peng mah zawt nak hi si nak in ti lum tam pi din piak a rak tha deuh. 😁😁🙏🙏🙏 Ref: Hram Ceu

By Chuncha