Barrett hi Supreme Court caah a pathumnak biaceihbawi a thimmi a si lai. Kum 2017 i a thimmi Neil Gorsuch le 2018 lio i a thimmi Brett Kavanaugh bangin Barrett hi kum sawm tampi chung Supreme Court ah hin rian a tlai cang lai i, Supreme Court muisam hi anmah conservative pawl musiam (tazeih) an khenh te ding khi a si. Supreme Court nih a tuahmi biachahnak pawl hi American nunnak thaw kongah tampi lai a reltu an si i, cu tikah, conservative biaceihbawi an tam rup in, abortion rights hi rii an khiahpiak cang lai i, biaknak zalonnak rights an samh chinchin lai, gun control phung an sermi zong an thumh lai, voting rights hi a thar in an rengh te lai.

House Members and State Leaders Ask Supreme Court to Review Obamacare |  Fortune

Nov. 10 ah khin, Obamacare tiin theih mi 2010 Affordable Care Act timi a hrawh cikcek dingin Supreme Court nih biaceih khuakhaannak ngei te dingin nithla an khiak cang. Hi kong hi Trump le a Republicans hawi pawl nih hrawh dingin an ngiarmi a si. Cu ti i ceih dingin an namhneh taktak ko ah cun, tutan a thimmi biaceihbawi ni hin biachahnak a tuah khotu vote hi a thlak te hnga.

Milwaukee's health care leaders express concern about Obamacare repeal

A tu bantuk i mithar a thimmi nih hin Trump i a president dirhmun hi fekthup in cement bangin a senghpiak khawh cang lai i, federal biaceih zung cu conservative musiam a kenter cang lai. Cu tikah, president thimnak ni a tlin hlan ah a chunglei in amah a dirkamhtu pawl heh tiah a fawkkhomh manh tertu a si fawn lai.

GOP House leaders: We are 'closer ... than we ever were' to Obamacare repeal

US Constitution ningah, President nih a thimmi minung nanhmehnak le hnonpiaknak nawl hi Senate kut ah a um. Trump nih a thimmi biaceihbawi paoh cu namhnehpiak viar hi Senate Majority Leader Mitch McConnell nih ai hmaithlakbikmi rian pakhat a si. Credit: Chelsea Bawi

Relchap<< Ginsburg hi nu le pa covo khahter dingin a dirpitu a si pinah, libral pawl an duhnak a phunphun a dirpitu a si caah, tuanbia chungah US Capitol ah a hmasabik nunau, cun Judahmi a ruak an suanmi nu, nu roling a si. US flag in ai tuammi Ginsburg a ruakkuang cu Supreme Court innpi a lenglei ah an hun i, hramh dingin Trump a vai thawh lio ah mipi nih heh tiah an rak hawhawt, an rak serleih. Ginsburg a hmahnungbik upat an peknak ah cun Joe Biden zong a vung kal kho ve.

Patient Protection and Affordable Care Act | Definition & Facts | Britannica

Barrett hi thim le namhneh asi taktak ko ahcun, Ginsburg nih Fawi tein a riantuan chung vialte ah a tuahsermi vialte cu a vun sawksampiak dih te ko lai. Cucaah, hi bantuk a lianngantuk mi minung rian pek le khanh hi cu January i president namhnehnak puai tuah hnu ah khaan site sehlaw a thabik lai, tiah LGBT aiawhtu phu Human Rights Campaign president Alphonso David nih a chim.

Election a phichuak vun tlangtlaak dingah Supreme Court hi i roih ah a tha lai, tiah ka tuah, tiin Trump nih tutan zarh chungah khan a chim. Cu ti hna a si ahcun, American tuanbia chungah avoihnihnak a si hnga. Avoikhatnak cu 2000 lio ah khan a si. Biaceihbawi 9 i ngeih khawh hi a biapi ngaingai tiah ka ruah, tiah Trump nih Wednesday ah khan a chim. Mail hmangin vote pek hi cu election kongah dehhlennak a tamtuk kho mi a si, tiah a tu le tu Trump nih a chim. A ngaingai ti ah cun, mail hmangin vote pek hi American politics ah a ummi a si i caansaupi an hman cangmi a si.

An easy selection': Trump settled quickly on Barrett - POLITICO

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha