Kum thum chung President Trump buainak a serpiaktu bik hi President thing Barack Obama si ko rua. 2016 thimnak ah Clinton nih Trump hi a tei lai tiah 100% in an zumh. Asinain Trump nih a tei tikah Obama cazoh an siah Liberal media pawl an siah an zum kho lo. An thin zong hung; an ning zong a zak; cuticun an huatnak a linsa tuk.

Cu bu cun Cozah thlennak cu Obama nih a tush pi, asinain a chuah lai ah Trump foih ding le hrawh ding in Obama nih Rap chiah dawh a si. Rap a chiah takmi cu FBI le Us intelligence bu pawl an si. An thazaang petu ah Democrats upa pawl cun aukhuangtu ah Liberal media pawl. Kum thum chung bak te Trump sualnak an kawl. A linsa kho tuk.

Daite in Trump nih a zoh ziar hna. A sual ko tiah tlai kho hna seh law case kha a perhhleipiak lai i, mipi hmaiah a tlai hmanh in an thlai men lai. Asinain a sual kawlnak cu pakhat hnu pakhat in an vun lim tluahmah i, pakhat hmanh an hmu lo. Trump doh taktakmi Intelligence upa lila nih a sualnak a um lo tiah biathli an chim a chuak.

An vun dongh ah khan Trump nih “kanmah lei caan a si ve cang” a ti. Kan hlat ve cang hna lai a ti bantukin an hlat colh ve. Atu hi a vun lang chin lengmang. FBI hrokhrolnak a lang; Trump nih James Comey a phuah tuanmi kha a rak thiam tuk. Pupa bia in cun “khuazing khuakhan a si” ti piak phu si. Rak phuak colh hlah seh law Trump caah ral ngaingai a rak si lai.

Nai hrawng cu Trump hmurka zoh tikah “Obamagate” timi biafang a tam pah cang. Buainak sertu lutlai hi Obama si dawh a lo cang. Midang upa hmurka tampi zong in a lang cang. Liberal media nih cun an tial lai ti cu theih cia si.

Obama hi a rak zer bak i, a donghnak ah a tuahmi cu rian in aa din thai ding poah kha a chuater hna i Trump Cozah ah rian a peh dingmi FBI lutlai le a zumh bakmi intelligence bu dangdang upa pawl he meeting an ngei ti si. Cucaah Obama hi cung bik ah aa tel an ti. Mipi sin bia a chim poah ah Trump a doh peng fawn lai.

Nai hrawng cu thlithup thil a chuak chin lengmang i Obama ti lawng te si cang. Obama cung mipi kutdong a tla thluahmah cang. A lang chin lengmang rih lai tiah phuan a si ko hih!

Naihrawng news tiluan cuanhnak sawhsawh!

Credit: Luther Tin Hre

 

By Chuncha