Tulio USA Senate ah Republican an tamdeuh. 2016 zong ah an rak tamdeuh caah president thar thimnak ding ah thla riat a rak i duh rih ko nain Pres. Obama cu Senator McConnell (rep) nih Supreme Court i a baumi biaceihbawi thim khawh a si lo a rak ti. Senate ah an tamdeuh caah Pres. Obama nih zei a tuah kho thai lo.

Trump's Agenda Neutered by Republicans in Congress | National Review

Asinain tu nai zarh i a thimi Supreme Court biaceihbawi Ruth Bader Ginsburg airawltu ding cu president thar thimnak ding thla hnih hmanh aa duh ti lo nain thim an i tim. President nih a duhmi ai thim lai nain Senate nih hnatlakpi a hau.Thimnak mah tluk a nai nain Senate ah republican an tamdeuh caah an lal i president thim zong an hngak duh ti lo.

Trump yanze gukorana n'Abademokarate mu gihe bakimukoraho iperereza - Flash  Radio TV

Asinain Republican senator pahnih nih cun i hnawh hau lo, president thar thimnak a dih in biaceihbawi cu thim ding a si ko tiah Vote an duh. A dang rep. senator pakhat nih cutin a vote ve a si ahcun hmai kum ah an tuah lai,Cuca cun Trump nih a rauhlan ah thimh  ding ati mi hi tlamtling lo dawh asi tthan cang. president thar nih hmaikum ah thimh te  ding asi lai. Nain Trump a leirawi tiah an rak ruahmi Mitt Romney nih tutan cu Trump a ttanh hnik caah thimnak cu tuah dawh an si ko. Supreme Court i biaceihbawi pakua hi an thih hlan lo ttuannak nawl an ngei. Cucaah a biapi taktakmi a si.

Trump weighs on House Republicans as midterm campaign starts | USA News |  Al Jazeera

Thawngpang dang<<<President Donald Trump nih supreme court i biaceihtu rian a lawngmi ah nu ka thim lai” tiah nizan i North Carolina i election campaign a tuahnak hmun ah a chim. Hmaizarh chungah aho timi cu ka thanh lai, “A very talented, very brilliant woman a si lai tiah a chim. President Trump nih a thim lai tiah an zumhmi nu pahnih an min an chuak, Amy Coney Barrett le Barbara Lagoa ah pakhat khat an si lai tiah zumh a si. President Trump nih biachahnak taktak cu hmaizarh chungah a tuah lai i a thanh colh lai ti a si.

President Trump nih nominate a tuah hnu ah Senate Judiciary committee nih hearing an tuah lai i, an cohlan hnu ah Senator minung 100 chung i a tam deuh duhnak in fehter a si lai. President Trump nih 2016 election lio tein Supreme court i biaceihtu rian a lawn ahcun khrihfa hna zumhnak le US constitution ning tein a pommi conservative judge ka thim lai tiah bia a rak i kam bantuk in minung pahnih a thim hna hnu ah tutan hi a pa thumnak thim a timhmi a si. US evangelical khrihfa hna nih Donald Trump an ttanpinak cu mah ruangah hin a si.

Trump's GOP no longer sees tax plan as an electoral life preserver | MSNBC

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha