Norway Ram Khuasa Chinmi Nih CDM Caah Tu Tiangah; 352 095 Kr A Chuak Cang

Norway Ram Khuasa Chinmi Nih CDM Caah Tu Tiangah; 352 095 Kr A Chuak Cang

Chin kan unau hna Norway ram khuasa mi hna hi zohchun awk an tlak ngaingai. Norway ram ahhin Chinmi hi 2000 hrawng um dawh an si. An dirhmun zoh ahhin hi zat phaisa an thawh khawh mi hi upat an tlak ngaingai. Hi hnu zong in tam pi chuah rih dawh ding an si. atu lio kan Kalwram cu kan theih bantuk cio in a ho poah hi thinlung ril a man cio ko. tang chin rih ko uhsih. Norway ram khuasa Chinmi hna zong nih pumpak in siseh, bu in siseh CDM caah thazaang chuah cuahmah lio a si. Tu tiangah; 352 095 Kr (41000 USD) a chuak cang. Bawmhnak phaisa kuatnak bank account, Vipps le online link zong atanglei ah kan rak taar chih.

May be an image of one or more people and text that says "We Support CDM in Myanmar FightFor Democracy Bank Account: 32072510452 Vipps: 600843 www.spleis.no/project/164502/ www.norwaychin.no"

နော်ဝေရောက် ချင်းအမျိုးသားများအနေနှင့်လည်း CDM အတွက် အသင်းအဖွဲ့အားဖြင့်ဖြစ်စေ၊ လူတစ်ဦးချင်းစီအနေဖြင့်ဖြစ်စေလှူဒါန်းကြရာ ယနေ့စရင်းများအရ နော်ဝေခရိုနာ ၃၅၂ ၀၉၅ (ဒါလာ ၄၁၀၀၀ ခန့်) ရရှိပြီဖြစ်သည်။ အောက်ပါ Bank konto နံဘတ် Vipps နှင့် Spleis မှာလည်း ကိုယ်တိုင်ပါဝင်လို့ရပါကြောင်းအသိပေးလိုက်ပါသည်။ Credit: CCN

CCCA nih a voikhatnak CDM bawmhnak Emergency Fund caah AUD $51,000 kan in kuat cang hna. A voi 2nak le Long Term ca tiangin timhlamhnak kan ngei. Australia Chin Khrihfabu dihlak [CCCA chungtel lawng siloin] hmunkhat tein Kawlram i CDM cawlcanghnak ah biatak tein bawmh ding le thazaang chuah dingah timhcia tein kan um cang. Nan tha chia hrimhrim hlah uh. Bawipa nih teinak a kan pek lai. “Teinak cu Bawipa ta a si” [Jonah 2:9] Credit: CCCA 22 Feb 2021

May be an image of 3 people, people standing and outdoors

Bishop Dr. CK No Chhum nih Hakha CDM ah aa tel mi hna dinti le VeVe sing 4 leng man bawmh: 22-2-2021, Believers Church, Myanmar hruaitu Bishop Dr. CK No Chhum nih Hakha ah CDM cawlcanghnak in lam a zawh mi hna dinti le VeVe sing 4 le cheu man a bawmh hna, tiah kan theih.

Hi kong he pehtlai in Hakha Station Believers Church in Bishop Dr. R. Mang Hre nih, “Hi bawmhnak hi Yangon lei in kan pubik a si mi Bishop Dr. CK No Chhum nih lamzawh mi hna an tihal in an baa lai tiah VeVe box 70 (Dur 1680 hrawng le dinti boxes tampi) kha rak bawm hna u, a kan ti. Amah pumpak nih bawmh mi a si. Kanmah Station Believers Church Mino zong nih dinti le VeVe sing 1 le cheu man hrawng an rak bawmh cang hna. CDM cawlcanghnak ah hin kan dihlak kan i tel a hau. Ramkheel lei lawng ah ruat loin ram a that nakhnga Biaknaklei upa zong kan i tel a herh,” tiah The Hakha Times ah a chim.

Bishop Dr. CK No Chhum nih hin Yangon lei lamzawhtu hna ca ah Laichi boxes 2000, a voi hnihnak ah arsa le changreu 1000, Kanpetlet lei minung 250 ca ah chuncaw le Thantlang lamzawhtu hna ca ah VeVe boxes tampi a rak bawmh bal cang hna, tiah kan theih. Credit: The Hakha Times

May be an image of one or more people, people walking, people standing, crowd and road

CDM RawlṬam Le Tihalmi Hna Caah:- Dear Upatmi Bishop Dr. CK No Chhum, Kan ram luatnak le daihnak ding ca CDM cawlhcanghnak i rawlṭam le tihal tuar mipi hna caah tiah:- (1) February ni (14) ni, Hledan lampi i minung (1000) hna caah chuncaw fun (1000) le (2) February ni (17) ni, Myanmar Company Bank (1) hmai, minung (2000) renglo an i tonnak hmun ah Chicken Rice Vermicelli (ကြက်ကြာဇံကျော်) fun (1000) na kuatmi hna kan hmuh tikah na cungah kan i lawm tuk hringhran.

Atulio kan ram, kan hmailei hei cuanh tikah muikhup in a ummi a ceu ṭhan khawh nakhnga CDM cawlhcanghnak zongah na thlacampiaknak long siloin, thilṭha tampi na tuahmi cungah kan i lawm tuk. Na tuahmi dangdang a um ko ti zong a thlam cun kan theih ko nain na kan theihter duh rih lomi zong a can a phak tik i kan theih te lai ding zong kan i ngaih tuk hringhran.

May be an image of one or more people, people walking, people standing, crowd and outdoors

Na rian biapibik Khrihfabu zohkhenh, biakinn sak le missionary tampi thlahnak rian na ṭuan long siloin, kum 2008 lio kawlram Buhbel tiah auhmi Ayeyarwady le Rangoon Division ah Nagis ruangah mithong tampi an rak thih le an rak loh, harnak an rak ton lio thawkin, Hakha pi cimh lio, Rakhine State ah kum fatin tilian ruangah harnak a tongmi,

Rakhine ralzam harnak a tongmi phu tampi hna sin le, Covid-19 ruangah harnak a tongmi hna tiangin, kum fatin mi bawmtu dingah Pathian nih an hmannak ka hmuh tikah Pathian le na cungah hi Capar hin lawmhnak ka van chim. Hi bantuk Khrihfabu hruaitu ṭha kan in ngeih hi Pathian sin le na sinah kan i lawm tuk tiah ka van nawlh ṭhan. Sincerely, Za Ling Sang

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

Leave a Reply

Your email address will not be published. Required fields are marked *