Laimi hi lam kan sial cia mi lila cung ah atawi deuh chinnak in lamphawk tuah ahmang ngai mi kan si i kan lam kip ah lamphawt aum tawn. Kan lung arang, tuah colh, hmuh colh kan duhnak thinlung alang. Tutan Kawlram ah cozah thimnak (Election) ahung nai i Online ca kan țial cio mi tete zoh ah miphun țanh le țanh lo kong phun in kanmah le kanmah lila kha cuai kan i thlai hna. Kan miphun kan tanh thiam lo ahcun lamphawk hna tamtuk in kan sial sual lai maw ti phan aum ngai.

Chin Party CNLD Mino Pawl In Chinram Mawinak Hrang Thingfa Kung 200 Lenglo  Phun | Vapual Auaw

Chin miphun 70% – 80% cu “Non-consequentialist” timi Khrifa biaknak lungput nih achilh deuh mi ruahnak ngei kan si dih ngawt caah politics kan khel dan cio hi mah nih hrang nam ngam țung loin mi nam cia ah holh kho ngai pawl kan tam. NLD, USDP, CNLD timi party in ai cuh ding mi khi kan miphun an si dih ko. Chin min telh ruang ah nangmah nak in kei hi miphun ka daw deuh timi phun in bia chim ding asi lo.

Is a weak USDP good for Myanmar? - New Mandala

Zumhnak hi palh sual ruang ah dirhmun ai dang kho. Khrifa biaknak zong ah UPC, Baptist, Catholic ti in kan um hna i ading cem kan si ti bantuk in kaa lawngin biachim nak in hawi nak in ading deuh mi dirhmun he tuahsernak in zumhnak alanghter kho chih mi hna khi zumh awk an tlak deuh tawn ko. Cucaah NLD le USDP party policy zumhnak kha avai hrawm ruang ah Chin party nih neek tuk in biachim nak in zumh mi tlaihtleng ‘Policy’ tu kha hitin asi hih tiah hmuhsak nak tuah hna ah ațha deuh. Nang hi na pial sual deuh ko ti in kan hmuh kan ti hna ahcun an pial sualnak kan hmuh mi kha chimh hna ding an si ko.

Three weaknesses of Myanmar's NLD party | Global Risk Insights

Cu bantuk in khat lei zong nih vun hmuhsak ve hna in zoh ți ding asi. Politics cu ahnawm zungzal, US cozah pi hmanh nihin tiang an thiang kho lo hi mu. Tutan Trump vs Biden le bang hi ahnomh tuk te lai ning hi alang cia ngai cang. Kei ka chim duh mi cu, pumpak siloin “Political Party” nih kalpi ning an dirhmun “Party Platform” kha cuanh thiam i zuam hna usih.

Biaknak dang paoh Hell tla ding i hmuh hna in mah biaknak lawng kha vanram kai ding phun in i hmuh khi kal sual fak taktak cu asi. Kawlram cu vuleicung ah democracy ah adik lobik ram thim hna seh law atel ding uknak chung kan um lio asi caah ralkap nih tuu phaw an i eih i kan lak ah democracy alo ngai mi in akan nawnnok lio asi. Kan i ralrin thiam lo ahcun kan theih lo kar ah kan techin fa tiang an thiar dih te hna lai.

NLD party le CNLD Candidate thimnak A Dang Ning – Zion Tlang Media

Democracy uknak kan hman ka taktak te asi rih caah upadi sertu palai “Member of Parliament” kan thim ding mi tampi hmanh nih an rian ding i fiang huaha lem loin țhutdanh ai cuh sawh mi an tam tuk hi mu. Mipi zong hi pumpak țanh, chungkhar deuh țanh le minung pumpak uar țanh in kan țang cio i mitcaw vui dah in Kawlram politics kan dap cio ko hna hih. Bia ka ruah mi tam deuh nih an ka chimh cu; Chin miphun dirhmun cun CNLD hi party cun țanh cem dih asi ko nain zumh awk atlak deuh lomi minung pawl MP ai cuh ding an si, USDP vun ti hna ah le ralkap dirpi tu an si fawn caah mitchinh in NLD tu hi țanh ko rih usih law ațha ko rih lai atimi an tam ngai. Chim duh mi cu akarlak ah avaivuan mi kan tamtuk rih tinak alang.

Biden hits back at Trump's call for pre-debate drug tests: 'The comments  are just foolish' | Fox News

Ca ațial lem lomi tampi hi NLD an pek rih te men lai dah. Ramleng um Chin mi cu thimfung thla kho kan si lo caah ramchung “Laihlum” kan unau nih tutan hi cu Chin Miphun min in adirmi CNLD Party ah thimfung thla cio ko uh vun ti le ca țial lem loin phone le social media hna in NLD tu ah thimfung rak thla ko rih uh tiah hawikom neihniam deuh achawn mi zong an um len ko lai tiah ka ruah.

Cozah cu pahnih um phung asi lo caah pakhat paoh nih uknak an tlaih te ding afiang ko i asung mi dirhmun zong nih ‘ka sung bak’ati ngam mi le ‘nangmah sungh ruang ah kei hi teinak ka hmuh asi’ ti in asung mi lei kha upatnak te he uknak atlai kho tu kha upat cu an si te lai. Abik in ram uknak apilcal kho rih lomi ram pawl ahcun Politics cu ahnawm lai ti theih cia asi. Bia chiachia an chim lai, an kong chia an i ceih lai, lih an țawn lai, an i hlonh lai, an i sawm fawn lai i party pakhat le pakhat kha an kehleng phelh an i zuam cio lai. Cucaah mah Kawlram pumpi thimnak (Election) tuah lai achuak mi politics hnawmtaam ruang ah kan Chin miphun chung ah huatnak achuah nak hnga lo, hihi cu politics nih achuahter mi tinawi asi ko ti kha mipi nih pom khawh kan i zuam dih ding kha miphun fek tein dir khawhnak ding ah abiapi tuk mi asi ti khi ka țial duh mi asi. Ka lawm:Victor Khen Sang

By Chuncha