Kha 2020 Myanmar Rampi thimnak cu kan naih cuahmah cang i, Party tampi timhhlamhnak an ngei cio cang. NLD zong nih biatak tein an I tuah cang mi hmuh khawh an si. Atu lio mino lakah chinram caah thil lianngan a tuahtu le bochan tlak a si mi Dr. Sasa zong election campaign ah a tel ve mi min kan hmuh tikah lawmh a um hringhran.

Salai Lairalthang mah catlang te hi le NLD nih zeidah an pek vet e kho men mi asio ti mi a tialmi hi…Dr.Sa Sa cu Chin State NLD election campaign tuahtu dingah a tel ve. NLD nih teinak ngah ahcun vuanci zong an pek khawhmi si ko.

Relchap ding <<< Tuan deuh ah Dr.Sasa nih miphun caah fimcawnnak kong he aa pehtlaiin bia a rak chimmi a um. Dr.Sasa nih hin zeitlukin dah miphun cungah zawn a ruah hna timi hi hmurka in chim khawh a si hrim lo. Hibantukin miphun cungah dawtnak le zawnruahnak a ngeimi hi kan Chinpa ah cun an um ka zum lem lo. Dr.Sasa nih a chim ningah cun, kanmah kawlram leiah tanghra an on bakin India ram Shillong ah tang 11-12 kaiter an si. Cu hnu ah anmah le an dirhmun sining zohin cunglei kaiter an si tiah a ti. Minung 100 renglo a kaitermi hna chung hin minung 10 hi sii doctor, Engeneers hi minung 5, le nursing hi minung 10 an si hna. Tukum ah China ramah minung 3 nih siibawi MBBS degree tha tein an lak than cang.

Adang vialte hna cu faculties dang dang an si hna a ti. Dr.Sasa nih a peh chapmi cu, hibantukin harsa tak takin sponsor kan pekmi hna nih sianginn kainak ah mark tha tha an hmuhmi ka hmuh hna tikah kaalawmhnak tuk tawn. Hi hi Pathian thluahchuah lawngte a si. Keimah nih ka tuah khawhmi a um lo, Bawipa thawng lawng lawng a si e a ti. Hi hna vialte nih hin an dih cio tikah khua le ram caah an dihlakin riantuan an i awt hna lai tiah a ti. Cheukhat a dih cangmi hna cu Lailenpi tanghra sianginn ah rian an tuan.

Dr.Sasa nih hin zeitlukin dah a miphun caah rian a tuan timi hi kan theihlomi thil tampi a um rih lai. Zeitlukin dah a miphun hna cungah dawtnak a ngeih timi zong hi hmurka men cun chim khawh a si lai lo. Dr.Sasa thawngin Mara unau hna cu tamtuk a chuahter cang hna. Tanghra tanglei ca zongah ruahchannak tamtuk a um rih. World Bank bomhnak in sifak sianginn kainak a ngeilomi hna minung tampi cu stiphen pek an si rih lai. Hi hi cu Hakha, Thantlang ca zongah ruahchannak a um. Fim cawnnak hi biatak tein aa hmaithlakmi a si. Chin miphun nih fimnak kan kawl ahcun hmailei ah Pathian nih kan Chinram hi thluachuah apek lai I, mi phundang nih an kan panh te lai, mi phundang nih thluachuah an hmuhnak ramah a cang te lai ti hi a saduhthah le achunmang a si.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha