Kawlram Kayah state mipi nih NLD vote lo dingin,anmah Kayah miphun party vote dingin an mino le an nubu upa hna i fonh in cawlcanghnak an tuah lio pi si.Mah miphun party vote dingin an mino le nubu hna cu March thla khan ton ceihnak an rak tuah cangnak kong an mino haotu Ko Ye Ne nihcun RFA ah a chim.

Suu Kyi supporters optimistic as Myanmar vote count under way ...

“2015 lio ah NLD nih tlangcung miphun humhimnak atuah lai i kan covo akan upat piak lai tiah ruahchannak nganpi he Kayah mipi sinah kalin NLD vote cio dingin kan rak chimrel i NLD nih seats tambik cu an hmuh ve,nain kum 5 cozah an ser chung zoh tikah tlangcung mi caah dawtu siloin a kan namneh tu ah an i cang diam” tiah a chim.

Kayah Nubu haotu nihcun” NLD cungah kan i ruahchannak vialte cu thlitu nih a choih dih,kan miphun cu zeite ah NLD nih an kan rel lo,kan aunak le duhnak zong zeite ah an rel duhlo,an i theihter duh lo caah 2020 hi cu Kayah kan miphun party vote pek dingah kan cawlcanghnak si” tiah a chimchap ve .

How Myanmar's NLD lost its way - Southeast Asia Globe

A liamcia kum lio ah NLD nihcun Aung San Lem cu Kayah mipi hna duhlo le dohbu ah hranhram in an va phun timh lio ah Kayah mino cu NLD cozah nih taza a cuai hna i thongah an rak thlak hna kha si.

Kan nih Chin mipi zong nikhat hnu khat in kan lungfim chin lengmang,miphun dirpi le ttanh a aherh zia kan i fiang chin,a bikin CNLD party chungah mino cathiam,ramleng ah degree sangsang la mi hna an itel,an dirpi cuahmah mi hmuh tikah lawmhnak chimcawk lo a um.Chinram NLD chungin Chin mino aa fitmi le ramlengah degree sang a la mi an i tel lem lo,cu nih alanghter mi cu nangmah nih aphi hei chuah ko.

2015 thim lio ah Kayah state ah seats hmun 34 ah NLD nih hmun 26 ah teinak an hmuh.USDP nih hmun 7 le independent in hmun 1 ti in teinak an rak hmuhmi si,.NLD thlipi ahraan pinah Kayah mino le nubu fonh nih NLD vote ko ulaw tiah mipi an rak forhfial hna mi kha a biapi in NLD teinak hmuhmi cu si,tukum cu NLD vote lo ding in le anmah miphun party vote dingin mino le nubu nih an mipi an forhfialnak an tuah lio pi si.RFA.Caleh Tu :William HC

Be wary of fraud, Myanmar's Suu Kyi tells huge rally | Mizzima ...

Thawngpang dang<<Lai Bible Student Minung 14 Aizawl ah Thongthlak an si. Lai Bible Student minung 14, Mizoram Cozah ah permission lak loin, Bangalore in Vanlawng in Aizawl ah an lut i, thong ah an thlak hna. Minung 2 Covid-19 Positive an ngei.

Mizoram Cozah ah luhnak permission lak hmasa loin an mah Mizoram mi zong luhnak nawl an ngei loh. Mizoram Covid- Zawtnak Minung( 361) tiang an kai cang. Credit: Peter Ngun Za Cung Tedim sii-inn ah COVID-19 zawtnak in chiah mi Case No.318 voi hnih tiang zawtnak an chek nak ah pehtlai in Negative a piah ca ah nihin sii-inn in an chuahter cang. Photo/ IPRD Tedim.

Arak dam lo ning kong kan van tar chih than.Tutan india ram in a rak tlung mi hngakchia pa te hi, Chin Ramkulh chung ah COVID-19 zawtnak in a zaw mi hna lak ah ngakchia cem a si. Tonzang Peng, Haicin khuami kum 6 ngakchia COVID-19 zawtnak ngei Case No.318 cu hringtu a nu he July 10 (nihin) suimilaam 12:00 ah Tedim sii-inn ah an thial cang, tiah kan theih.

 

Tongzaang peng, Ngakchia kum(6) Sizung ah thilthuam puitling he an hruai ka hmuh cu ka celh lo (Thilthuam an hruk awk a si lo ti khi ka chim duhnak si loin ngakchia te lungthin cuanh in ka chim bia) Kum(6) ngakchia cu an tlei rih lo.
Nulepa sin um an duh saling te a si. Khi thilthuam pi nih khin a thinlung ah tihphan nak a pek ngai men lai. Sibawi ca zong ah zohkhenhnak a fawi lo kho, Pathian nih damnak pe colh hram seh. Tulio vawlei cung pulzawtnak tlangrai nih a den cuahmah ruangah mipi cu lungre thei in le vansang in um cio a si,Hmanh seh law zumtu a fale hna nih cun a mah bochan bute he zumhnak in hmai ah fung chin chin ko hna uh sih.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor.

By Chuncha