US thawngpang cu a linsa chin thluamah ko. Media cheukhat tampi nih 100% in Democrate Lei in an thlak mi Joe Biden nih teinak tling a hmuh cang tiah an langter theo tawn. Cu lak ah a tu US president a tuan cuamah mi Donal J Trump zong cheukhat state ah teinak a van hmuh tthan ve cuamah. US khrihfa asi mi poah nihcun Trump hi an duh deuh ii, an ttanh pi deuh. Trump hi hringtthan nak a ngei tak lai le tak lai lo cu hohman nih theih asi loh. Asinain a rianttuan zoh tih ah Khrihfa nunzia le phunglam deuh in kal hlan aitimh zungzal ti khawh asi.

Image may contain: one or more people

US ram President hlun tam deuh nihin. X’mas hi Holy Day or New Year ti deuh in a awh mi an tam. Christmas timi biafang chim mi a rak I har ngai mi President an rak tam. Trump nih Minung million in an rak I pumnak ah X’mas wish nak a rak tuah. Tutang zongah December 2 ah biachimnak caan a ngeih lio ah  a hmasa cem ah Merry Christmas wish nak a tuah hmasa hna.

Image may contain: one or more people, crowd, night, sky and outdoor

Nizaan ah zeidang bia chim loin, Bible a lak ii, Jesuh vawlei a rarak hnawh chan nak kong cu suimilam Minutes 2:36 chung a chim.Ahmasa cem ah Jesuh nu mary sin ah Gabrial a rak langnak kong Bible cacaan a rel hmasa cucu Luke 1:30-31 chung ta kha asi.Achim mi cu, Pathian le kan bawipa fapa Jesuh cu Bethlehem ah a chuah. Pathian Fapa jesuh cu nunnem le todoi nak nun he hi vawlei ah a rak ra i, cu thawng cun vawlei pi aa thleng dih. Cu ruang ahcun Christmas ah kan bawipa le pathian sin ah lunglawmh nak bia kan chim.

Cun,John 3:16 kha a rel tthan, Pathian nih vawlei cu a dawt hrinhrang caah a fapa ngeichunh te kha kanmah misual vialte khamh awk ah a rak thlak. Vawlei cung a rak rak hnu in a cawnpiaknak cu nihin nitiang mikip thinlung ah rrian a ttuan zungzal I, khirhfa mi poah nih zulh ding in nawlbia akan chiahtak mi cu, pakhat le khat i dawt ulaw daihnak he khuasa tti zungzal uh tihi asi.

Hi vawlei khamh awk ah a fapa ngeichunh a kan petu kan Pa le kan Pathian a min kan tthangtthat I, hi kan ram USA zong thlachuak nak kan pek piak tthan rih ko seh.Nan Inn chungkhar cio ah X’mas dainak um ko seh. Hi a chim mi nih US Ramchung Khirhfa mi lungthinng a kheng taktak. Million minung nih an ii shared ii, hi ruangah hin pei kan President cu kan duh cu, a caah ngamh lo mi kanngeih  loh tiah a chim cio.

By Chuncha

Leave a Reply

Your email address will not be published.