Mizoram le Assam kala pawl ramri buainak cu ziamh lei a panh kho rih lo, Nizan ah khan India cozahpi Home Minister Amit Shah nih Mizoram CM Pu Zoramthang phone in a chonh i Mizo mipi thin an i sum khawh nak dingah a sikhawh chungin rak tawlrel ding in bia a cah pin ah a rannak in central cozahpi nih khuakhannak angeihpiaknak ding a chimh.

Pu Zoramthang nih bia a lehning ah Mizoram nih central lei ah duhherh a zalh tawnnak National Highway, Assam state chung lutmi lam vialte Assam cozah nih a phihkanh (block) viar mi cu Pu Zaramthang nih poi a tinak a chim i “Assam cozah nih National Highway rak kan block piak hmanh sehlaw kan state ramri dang, Manipur, Tripura, Myanmar le Bangladesh ah duh herh kan i zalh khawh” tiah a leh.

Zoramthanga to be sworn in as Mizoram CM on Saturday - The Hindu

Central Home Minister Amit Shah nih Pu Zoramthang cu a thin i țhum dingin a chimh i State ramri dang ah duhherh zalh haulo in Assam state i a lutmi National Highway Assam cozah nih a block kanhmi cu a rauh hlan ah Central cozahpi nih onh dingin nawlbia a pek colh lai tiah a chimh.

Hi lio ah Mizoram BJP party hruaitu Zahminglian nih India Media nganbik pakhat NDTV hmangin Assam cozah warning a pêknak a chim, “Mizoram nih Central lei kan luhchuahnak National Highway Assam state chungi a lûtmi hi Assam cozah ta a siloh, road block khawhnak nawl a ngeilo” “hi national Highway hi Assam cozah nih a thianter lo a si ah cun Mizoram hriamtlai nih kan thianh lai, atu ah hin Chief Minister sining law Highway an block mi thianh dingin Mizoram palik Assam state chung ah ka thlah canglai, Assam cozah nih rak thei seh, an road block mi hi an mah nih maw an thianh lai a silo ah a thianhding in Mizo ralkap dah Assam state ah kan vun thlah lai duh i thim seh “ tiah a chim.

Mizoram CM seeks Centre's help to clear bill to detect foreigners

Mizoram le Assam ramkulh ramri buainak hi hmun hi Thinghlun, Saihapui V le Vairengte hna ah hmun 3 ah an buai.Thinghlun ram ah hin Assam kala pawl nih ramri veng dingin Thinghlun ramchung ah buk an sak, cu thawngpang cu Mizo mino bu pakhat, Mizo Zirlai Pawl (MZP) nih an theih le cangka tuzing cawn nikhatni zingka ah minung 300 hrawng he an va zuan hnawh, Assam kala pawl he an i hmai tonh nain buainak fak a chuak lo, MZP nih cuka Thinghlun ram ah cun ramri vengtu ding minung zeimawzat an chiah colh.

Saihapui V lei hi CBN Media nih thawngpang kan hlat lio tiangah thawngpang a dai deuh rih.Vairengte lei hi Mizo mino pawl thin mei alh bangin a alhnak hmun le thisen luannak hmun kha a si, Vairengte buainak kongah Assam lei Palik Bawizik nih Mizoram Kolasib DC a chonh i cabuai pakhat hmai ah i chonhbiaknak ngei dingin a sawm.

What Awaits Amit Shah in the Home Ministry and What Awaits the Nation |  India.com

Assam Palik bawizik sawmnak cu Kolasib DC nih “ramri kong a si ruangah nangmah le keimah caih khawhmi a um lo, cozah pi caih ding a si” tiah a rak leh. Vairengte hi a hramthawk ah buainak linhsaknak hmun a si i Mizo palik le mino tam u nih an fuhmi a si ruangah Assam lei thawngpang a dai. Kolasip DC nih nawlbia a chuah i Mizo mipi hna cu Assam lei nih buainak an chuahpi than a silo ah cun Vairengte lei ah buainak chuahpi hmasa lo dingin a nawlbia a chuah. Credit: CBN News

By Chuncha