Kawlram cu covid-19 hi tutiang a um lo tiah kan hnu naite ah Kan Pi Suh Kyi nih a chim, Kawlram ngandamnak lei zong in a um cang timi pakhat fehtermi an ngei rih lo, Anai ah minung pa 5 Corona Virus an ngei ko lai tiah zumh an si mi tu cu an pa 5 ning in nizan an thi tiah thawng a than cawlh ve.

Hi pawl zong hi an ngei le ngei lo kong zong biafiang a um lo. A si nain a tu tiang zongah hi zawtnak hi kan ram ah a um rih lo tiah an chim rih caah mi tampi cu an lung lehlam a tha lo bantuk ah a um cang. A si khawh ahcun um thai lo hram sehlaw ti hi mipi kan duhnak lianbik zong a si fawn ve.
Cu lak i bia pakhat cu Phungki pawl nih kan Kawlramah hi bantuk zawtnak a lut khawh lo nak ding caah thla kan cam ruangah kan him mi a si tiah an chim ti a si. A zei a si hmanh ah Vawlei cung Biaknak nih cun hi kongah thla cu an cam ve cio ko lai tiah zumh a um. Phungki pawl nih hin thla cu an cam ve ko lai nain hi zawtnak a lut lo ti fiangternak an tuah mi tu cu zumh cu a um ve lo bang, an thlacamnak thawng in Kawlram ah COVID-19 a lut lo mi a si labang ahcun lawmh a va um ve hnga.

Note, Careltu nih Mah kong hi Salai Dl Seeling nih a page ah langter mi Kawlram ah zawtnak pa 5 an thi cang, mah ahcun Phungki nih hi zawtnak hi kan thlacamnak asi an ti tiah a chim mi chungin ka lakmi a si ti kha ka theih piak te uh.

By Chuncha