Chin Oo Sii Mino Bu Cawlcangnak: Tuni 2020 October 11 ah, Chin Oo Sii Sang chung um Pi Par Tin te inn a kaang mi cung ah Chin Oo Sii Mino Bu nih ngeihchiatnak kan hrawmpi hna. Cun, kan si khawh tawk in tangka ks. 30,000 te zong kan bawmh hna. Hi hnu ah a herhhai mi poh bawmh ding zong in kan i tim fawn.

Cun, kan sang chung a humhim nakhnga tiah zaan dang bantuk in humhimnak rian zong kan pehzulh than. A rak chuak kho mi mino hna le thazaang an kan pe in aa kan dirkamhtu Sang chung upa hna nan dihlak cung ah lunglawmhnak tampi kan ngei. Upatnak he, Chin Oo Sii Mino Bu, Information Committee

#Breaking #News: TV plug thalo mi hman ruang ah Hakha Chin Oo Si, Nazareth Sang Pi Sui Tin inn a kaang, thilri Ks.300,000 leng man a ciam: 2020 October 11 zaanlei suimilaam 1:55 hrawng ah Thantlang Peng Zeiphai khuami Saya Ngun Lian inn a hlangtu Salen khuami Pi Sui Tin te inn a kaang i, aa hliam mi an um lo, Meithat nih caantanh in a phalh manh.

Image may contain: 2 people, outdoor

Hi kong ah Hakha Peng Meithat Zung lutlai Pu Thian Nuam Maung nih, “Inn kangh aa thok ning hi TV plug kha aa long cang mi (achawng mi) in aa thok. TV an vun hon i a kaang. TV hi a haang ah aa cang dih. Chungkhar khuasa 5 (nu 3, pa 2) an si. An inn hi pe 16’x26’ kau a si. Inn kangh aa thok hi kanmah ruahnak ahcun zaanlei suimilaam 1:55 hrawng ah a si i, suimilaam 2:15 ah kan hmih khawh. Caantanh in phan hlah usihlaw ni a lin tuk fawn, inn aa naih tuk fawn i innpa a tlaichih hnga. Thilri sungh mi hi kan tuah tik ah tangka Ks. 312,000 hrawng a si lai,” tiah The Hakha Times ah a chim.

“Meithat riantuantu kan naule an fel tuk. Caantanh bak in an hung phan i mei an hmih manh. An fel tuk, kaa lawmh ngaingai hna. Hi bantuk hi, mizapi zong nih kan i ralrin cio ding a si. Plug thalo mi cu hman bak lo ding. A thar in thlen hrimhrim ah a tha. Zeicahtiah, ralrin nakin a tha mi zeihmanh a um lo,” tiah Chin Ramkulh Cozah Lamsuul Minister Pu Sui Thio nih The Hakha Times ah a chim.

Image may contain: one or more people and outdoor

2020 kum fuurpi chung, Hakha Peng ah inn kaang hi voi 5 a cang cang. Aive khua ah voi khat, Phai ah voi khat, Chuncung ah voi khat, Hakha ah; Thingram Zung pawng, Pehtlaihnak Zung pawng le Chin Oo Si, Nazareth Sang tiin voi 5 tiang inn kaang a cang, tiah kan theih. Photo: The Hakha Times

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha