Ngeih achia tuk hrinhrang ko.India ram Ferozpur Punjab khua ah pastor pa pakhat Balwinder Bagicha cu a member hna sinah pathian thawngttha bia in thazaang peknak avah nei nak ah misual nih nam in an thah. Pathiang rian kum caan saupi a ttuan caang mi pastor pa cu covid-19 boruak ruangah hmunkhat te ah Biakinn ah a member pawl he pathian tthangtthat ti kho nak caan an ngeih lo ruangah, innkip ah a member pawl cu vah leng le pathian bia in thazaang vah pek nak a neih ton hna.

Nizaan zong ah cu a tuah ton bantuk cun a kal tthan I Pathian thawngttha achim biathian bia in thazaang a pek hna, cu a dih in inn ah lawi ding in a rak ra ,cu lawi ah lampi ah misual pawl nih nam he I a nunnak liam tiang in an tuah. Nam hma an hliam caankaa in a hliam tu pawl cu an zaam a mah zong cu a ti kho chung in inn ah a rak lawi nain inn a phak hlan deuh ah a nunnak a liam tiah an chim.
Hi thawngpang hi Christians persecution ti mi group ah an rak tar ii comments le a zoh tu an tam taktak , ho poah nih ngeih an chia pi hna . A kal tak mi a chungkhar caah tthlacam bawm ve hram uhsih,kanmah cu khrih ah unau kan si bantuk in thlacam bawm hram hna sih.

Thawngpang dang relchap<<<(27 July,2020) Myanmar, Eyawadi Division, Wokhayanmyo ah chungkhar pakhat cu fa pa 5 an ngei hna i mah chung ahhin an fa le pa 4 cu mitkhua hmuh lo in an um tiah thawng theih a si. Hi ngakchia pa 4 hi an chuah ka hrim in an mit hi khua hmuh lo bak in an rak chuak i, pakhat tu cu amit khua a hmu mi asi tiah maythadin.webside nih cun a langter.
Hringtu nu le pa nih mithli tla bu tein an fa le cu an zoh lio hna a si. Hmailei ah zeitin dah kan fa le hi kan zohkhen hna lai i, an upat tikah zeitin dah an i tuah hnga ti long hi nu le pa nih cun lungre theih ngai in an um lio a si tiah thanwg theih a si. Vawlei cung ah hin hringtu nu le pa hna nih cun fa le rosung kan hmuh mi hna hi saduhthah piak cio in cawnkeng cio a si.


Atu bantuk dirhmun in an fa le kong ruah ahhin nu le pa caah cun a fak hrim ko lai mu. Kanmah Kawlram dirhmun labang in cun hi bantuk thil a cang mi pawl hna hi an zohkhen hawi hna lai maw ti hi thinlung a um ngai. Ram thancho uknak le hruainak ahcun bawmchan a herh mi minung an um maw tiah kawl a si i an dirhmun zoh in mi thleidannak ngei lo in an zohkhen ko hna. an caah thil pakhat khat ruahchannak a um kho ding le anmah le sining cio ah ei a chuak ciomi si hram ko hna seh.
Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha