Laimi nih dawtnâk le zawnruahnâk kan ngeih a langhnâk cu bukpi khat a si cang. Nain, milungtawi, mithintawi le khuaruahtawi kan sinâk zong a lang fawn tiah ka ruah.

“Bawi Thiang Bik zong a celh ti lo,” “Salai LTT nih a thah deng hna,” “Tidim nih kan zato ah van chia hna seh kanmah nih kan zohkhenh lai an ti” “Halkha sibawi/nurse an mualpho.” A tam bak cang. Nun thâp le cân thâp in a thlopbultu ding an aipuang bak cang lai. A sining tak lêngin kan thangchiat hna! Inn thlang ar a ke â cawi, a thuh komi, a ke a bul, ke khat lawng a ngei ti bantuk deuh kan si.

‘Kan naunute cu amahte in a thil â cawinâk hmanthlâk zoh ah a zual lo ti a fiang i, a dam colh ko lai’ tiin a ceunak in rak i thok usihlaw kan bia hmual vial zong nih a damh cang hnga.

A ‘privacy (pumpâk)’ sinâk kan zahpiak lo kan ti. Halkha khuapi mit hmai i covid-19 damlo hmaisa bik sizung a kalnâk lam cu zei privacy um hme maw ka ti? Media vialte hmanh nih a hmân thlâk i thazâng pek deuh ding khi a si, a muihnâk lei in a kal sual caah a si.

Ambulance in chuakmi damlo amahte in thil â cawi vawlei cungah a voikhatnak kan ti. Amahte in a umkal khomi amahte in a thil â cawimi an um ve ko, zulhphung hmanh â khat cio lo teh. Covid-19 damlo lebang hi cu a zualmi he zuallo he ambulance in an phurh viar hna, pulrai pei si cu. Pulrai a si lomi zawtnak in a zaw i a zualmi emergency in ambulance an hman bantuk a si theng lo.

Dawtnâk le zawnruahnâk nih midang an sining lêngin a thangchiat lo.

Ref: Hlawn Dawh Thang

By Chuncha