Tuzan kanfar nu Esther Dawt Chin Sung CRO riantuantu nih biahalnak an tuah. An hal mi siseh, a lehmi hna pawl ngai tikah lung a hmui ngaingai mi tampi a um. Esther hi a rak men hrim lo, Online in biahal le biaruah hi cheukhat caah cun thil fawi lo ngai zong a si nain tha tein le fiang tein a chim khawh dih.

Myanmar Idol lio ah laksawng an i pek mi ah zeidah na lung hmui bik timi ah a chim mi hi ka uar tuk hringhran. A chim mi cu zei dang vialte lakah laksawng nganbik mi ka hmuh mi cu Dawtnak hi asi ati. Na kan Dawtnak thawng in laksawng ka hmuh ti kha a chim tikah adang vialte chim ding kha a hup kho dih cang.

Cun kan hnu lei Australia leiin a kirlio i a dam lo tiah thawng a leng pah lengmang mi kong zong a chim. Kan kir lio ah khan ka hrawm a fak, ka khuh caah ka check ter hna i nangmah cu mipi he a tlawnlenmi na si caah inn ah ni 14 chung chuah lo in i thlop ko law tiah an ka ti i mah ti cun inn ah ka um i ka tha ko tiah a chim. Atang te ah kan unau Esther nih Paletwa tanpi an herhnak kong a chim mi Ram Tin Thei nih a rak langter chin ve mi a kan hrawmmi hi a biapi ngai caah tuah cio khawh zong i zuam hram hna uhsih.

Myanmar Idol lio i Chin miphun aa zuammi hmanh… heh tiah nan kan tanpi, vote nan kan pek ahcun; hibantuk kan unau Paletwah i harnak a tongmi hna cu nan tanpi chinchin hna awk asi. Nan ngeihchunh tlawmte hmanh ikhomh in hliamhma tuamnak le an ithopbulhnak tal ah san a tlai lai. Kan si khawh tawk cio in kan tan cio awk asi. Hmunkhat ah kan dirti awk asi.

By,
Esther Dawt Chin Sung
Myanmar Idol Season 4 Winner

By Chuncha