MMID Season 4 ih Runner up, Benjamin Sum ih hla thar a suak thu theih a si. Hla thulu ah “ပြန်တွေ့မယ့်ရက်” (Tong saal ding ni) a siih Saw Htet Naing Soe ih phuahmi a si.

May ni 18 (tuini) zinglam nazi 10am ah Benjamin Sum ih Facebook Cahmai le Legacy Music pawl ah an tarlang ih hmakhat te sungah a zohtu tingleng an um cih a si.

Mai seemnak khua tansan duh lo nacingin pumpi khapkhat hrangah mai run inn tansantu pawl in an duhdawtmi pawl thawn tongawk thei saal dingin thla an cam mi hla lam deuh a si.

Benjamin Sun cun, “a hmaisabik ih kan rel duhmi cu zuamawknak kan qheh thokin hla thar hrangah tam zet ka rak zuam ve. Asinan Covid-19 natnak a ra suak ruangah Fan Metting tuah dingih ka rak tumtahmi siseh hla thar te thawn Summers pawl Surprise dingih kan rak tumtahnak pawl zaten a cang suak thei saal lo. Hla dang pawl tla suah thei kan rak tum nan remcanlonak a phunphun ruangah kan suah thei saal lo a si” ti’n May ni 13 ni ah a Facebook Cahmai ah a rak tarlang a si.

“ပြန်တွေ့မယ့်ရက်” (Tong saal ding ni) hla thar cu May ni 15 ni ah an rak suah tummi a sinan remcan lonak ruangah May ni 18 (tuisun) ah an thlah saalmi siih JOOX ah tla ngai a theih ti’n CH in kan thei.

Zuk: Benjamin Sum

Ref: CHDN

By Chuncha