MP ka tlin ahcun term khat lawng ka ttuan lai,a ruang cu mino thacak le mithiam lamsialtu si ka duh,Pu No Tawk Kap: Kalay peng pyituh hluttaw ah CNLD party in a zuammi Pu No Tawk Kap nihcun,tutan ah ka zuammi Pyituh hluttaw palai kaa zuammi hi ka tlin ahcun term khat lawng ttuan ka duh,a ruang cu mino thacak mithiam kianh I ttuan hna seh,tiah lamsial le cak taktak in miphun rian le ram rian hi I ttuan seh ti ka duh, tiah a chim.

Image may contain: No Tawk Kap
Hi”ka chimmi hi member of parliament MP “ka zuamlo tinak siloin ram le miphun caah micak le mithiam nih ttuan ve hna seh, ti ka ruah caah a si. Ram le miphun caah rianttuan kho I kianh thim a hau, tahchunhnak ah va tling ninglaw kum 5 biatak tein ttuan, cu tibantuk cun miphun le ram caah cak taktak in tuan ve, cu ticun kan miphun le kan ram caah ttuan a herh,tiah lungduh ruahnak ah a chim.
Cun,party ah aa hmangin politician ah relmi sihmenh hlah ninglaw, ram le miphun caah phundang in ka rak ttuan peng ve, Chin pawlpi ah upa ka ttuan cang.Cun ka phaktawk in cycle nih a pah I an zamtakmi,tibantuk buaipi tu neilo ka hmuh hna ahcun zamtak ve loin ka rak buaipi ve hna.
Theih bangin tutan election ah ka zuam ve, MP ka tlin ahcun chimcawk lo ttuan ding ka ngei.vote hmuhnak caah ttuan khawh loding chim ka duh lo,ttuan ding tamtuk ka nei I ttuan ding ka theih,Kalay peng mipi nih an ka zangfah i an ka thim ahcun miphun le ram caah biatak tein ka ttuan lai,tiah a chim chap. Ref: Liante Lai

Kalaymyo Candidate vialte lakah ka duh bikmi si. Pathian a tih, a dingfel. A ka in bia hrang a chuah ka thei bal lo. A phaknak kip ah mi bawmh duhnak lungthin a ngei. Mi tangdor a si. Pum pak in ka theih ngai caah ka duh bak. Micheu cu kan theih hngalh hna caah kan duh hna I kan thim hna nain micheu cu kan theih hngalh hna caah kan duh ve hoi hna lo. By Joel Pengthang

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha