Atu bantuk miphun le ram caah a ti khawh tawk in pary caah a pum a pe bakmi ruah lo pin vote sawmnak an kalnak ah a tla sual i mual a liam chih timi thawng kan theih cu lung a fak ngaingai. Atu lio hi Kawlram cu thimnak a naih tuk cang caah Covid-19 boruak liopi a si ko nain an party cio nih teinak kan hmuh sual lai lo tiah heh tiah mipi vote an kawl an sawm lio hna a si.

Tu ni ah thil a cang mi cu lung a tha kho hrim lo, mah thil a cang nak hi Monywa khazaing, Ayartaw myone, Male khua, ah a cang sualmi a si tiah thawng kan theih. October 8, suimilam 12:00 pm hrawng ah party vote sawmnak i an kal lio pi ah motor cungin a tla sual i, mawtaw nih hin a rial chih sual caah a nunnak a liam tiah theih a si. Mah hi zei bantuk Party dah an si timi min an langter lo tiah theih a si. Source: Htut Khaung Lin

Thawngpang dang <<< Tulio cu NLD le CNLD kan ti nak ah vawleipi nih an ibuaipi ngaimi US presidential debate kong a tialmi an um te rua lai tiah ka ruah nain an tialmi ka hmu lo. (Sungsung pa thaimi dah ti lo)TV in kan zoh cio ko cu teh ti si theu lai. A zoh kho ve lomi le mirang holh a theifiang tuk ve lomi kanmah bantuk caah tiin ka fian ning in thinlung idamhnak ah ka vun thai. Rel nuam ding sawh in tialmi si. A sua deuh lai caah manh caan ah peh te ding in part 1 ka vun ti phawt ko hih.

Zeidang hlan ah supreme court thuhden lawngmi kong ah hin hmun a lawngmi hi cu keimah nih thimnak le phihkharnak nawl ka ngei. Thimnak ah teitu kan rak si caah Democrats lei nih hin an kan doh sawh i si, Senate le House kan ngei. Kan vun nominee mi Amy Cone Barrett hi mitha le mithiam sang taktak a si. Hika hmun i Justice a rak tuan cangmi hna bantuk thiamthiam in a vun timi cu Biden nih thimnak result kan hngak lai lo maw? Zeithil hmanh hi dah kaw kan hngah khawh tawn lo cu Obama care le a riantuannak tlau dih seh ti an duhnak men a si ko a vun ti colh.

Kan bia chung tu ah kan luh hna lai. US lei debate kan ti cu kannih Laimi nih kan chanchung ah hmaitonh in kan i ti ngamlo dingmi bia hna khi annih cu hmaichan bakah an i phomh thluahmah ko.Tutan debate hi For News TV channel hruainak in kan rak hmuhmi a si. An moderate tuantu Chris Wallace hi bia hal le chim a thiam taktak mi a si. Lailei sisehlaw, mi rem le nupi halnak ah an sawm lengmang hgna i manh caan a ngei men lai lo dah. Bia in rapchiah a thiam tuk hringhran i Trump ka rak tanh deuh ruangah a si hnga dek maw? Trump kha biacimnak caan a pekmi a tawi deuh rua tiah ka ruah. Trump a halmi bia kha Biden zong a halve ding a si ka timi an um len. Keimah ruahnak men si kaw ahonih a zivazut ding um lo. Biden biachim lio i a rak holh ve lengmang mi he khan vaa ci seh a ti le sihnga dek maw?

Pu Trump zia theu cu mi biachim lio zong hngak hlah. A rem lomi le aduh lo phun cu Biden nih achim lio zongah rak el lengmang kaw, Moderator Chris zong nih a khap len i Biden lebang nih cun ‘Shup up’ a ti phah ko. An tuahnak hmun Ohio lei ah cun an tuah chung minute 90 chung hi cu an boruak hi a linsa ti men nih atlinh lo. Mei hna i ralrin lo ahcun a kang kho colh i phalh awk tha ding in aa tuah lo. Biden nih supreme court nominee kong chim a timhmi cu a rak buai hoi le covid zawtnak kong chim a vun timh ah le a rak holh ve hoi. Trumh nih hin bia chimkho lo ding in rak buai hrimhrim hlah maw a timh ti awk in aum caah Biden nih, “minute tlawm te tal cu rak dai tuah” a ti than. Trump nih hin debate phung a buar deuh ko rua ti awk in a um. Biden zong nih hin a si khawhtawk cun aa chimsek len ko nian a duhmi point taktak cu a kheng kho deuh lo tiah ka ruah. Amah te hmanh a thil philh hman cia he rak buai tuk hrat ahcun a mawh lo.Trumh bia ding ah aa tlak deuh tiah ak ruah nain Biden nih a chimmi cu “clown’ capo thimtu men na si a timi hi si.

Tutan an debate ahhin supreme court nominee kong, covid 19 an do duhning kong, sipuaizi an kalpi timhning le Black Lives Matter kong le tanghlei ngei deuh in New York Times leinih an i debate hlan suimilam 48 ah Trump nih ngunkhuai a rak pe lo tiah an vun chim mi kong i elnak in an caan a dong ko. A donghnak lei ah Trump nih caan aum rih ko hih tiah Biden cu a vun zuamcawh ngai nain caan nih a zat ti hna lo. An debate ngaih a nuamhtertu pakhat cu Trump nih Tax a pe lo $750 lawng a pek tiah an chimmi a vun halmi kha a si rua ka ti. Hi zawn ah hin cun hmundnag le inn leng sisehlaw, kuttum he an zuang men lai. Trump nih taxs millions tamtuk a pek tawnnak le kumkhat chung hmanhah millions 38 bak a peknak kong in a vun leh. Biden nih le caan tha ah rak i lak in taxs na peknak document ca cu vun kan piah a ti. Trump nih nan hmuh te ko lai atu ah si loin a caan a phak tikah a ti ve. Atu ahcun zeiti cun dah a vun i ken reng hnga? Ka hei ti ve.

Nastier Than Pocahontas': Trump on Kamala Harris

Biden nih bia neeng deuh in Trump nih hin ‘tax courts’ man vialte hi a mah nih a rak pek dihmi si ko lai tiah bieneeng in a vun ti. Trump nih duh ve hlah kaw, politics kong hmanh kan luh taktak hlan ah tax laws kong an kan ceihpi hawi ko hih a ti ve. Kei hi private chawlehnak ah hlawhtling bakmi private developer dahkaw ka si hi a ti. Hrangkianlo Trumh nih Biden tepawl nih hin ‘tax bills’ kha an rak past i rian tamtuk an rak kan khinhmi tu a si. US nih buainak tamtuk kan tonmi le tamtuk kan phinsin mi hi left wing pawl nih an chuahpi mi buainak a si. Right wing pawl nih si loin a ti. US ahhin remnak um seh ti ka duh i anmah left pawl nih chuahpimi buainak hi anmah nih daihter hna sehlaw ka duh ngai tiah white supremacy pawl a mawhchiat hannak a chim.

Cawnnak lei kong ah tlawmpal an vun lut i Trumh nih mipi hi zoh hna hmanh u mitampi thil thalo cawnpiak nak dingah dollar tamtuk kan liam i kan dih. US ram sunlawinak le thatnak tungthan ding in ka col than lai i ka tuan lai a ti. Biden nih a hohmnah nih cawnpiaknak tha lo an cawnpiak hna lo. Mitampi nih midang filling hrawh le ngaihchiater an duh lo. Trump hi racist a si a ti. Miphun thleinaknak ngeih hi a hohmnah nih an duh lo sihmnahsehlaw, chuahtertu an um le si ko. Ngakchia hi ahohmanh mi vazoh san tuk ding le niamtuk ah zoh dingin cawnpiak an hau lo. A sinain chimtu an um le si ko. Micheu nih cun chawva na ngeih lo caah an i nautat, micehu cu an zumhnak aa khat lo caah tiah Trump cu miphun theidannak chuahpi tu ah a puh i a vun ngair colh ve.

Trump or Biden? Global equity markets to chart their own course: Analysts |  Business Standard News

John White thihnak ah an hung lut colh than. BLM kong ah an hung phan. Biden nih hin minak lei a tanhtuk hnanak cu a lang tuk lem lo nain. Ning cang loin nawlngeihnak a hmangmi hna hi cu fakpiin hrem ding an si. Daihnak tlamtling a umnak hnga a rak kilvengtu hna (Peace full protectors) buaiter hi a tha lo a ti. Cu abia nih cun Trump cu fei bang in a chunh. Daihnak chuahpitu hna na ti maw? mi innle lo an khangh, mi an thah hna, mi dang pawcawmnak dawr vialte an khangh dih ticu kan theih dih mi a si. Biden nih hin boruak tha le daihnak umseh ti zong a duh lo. Ra u tangti hna u sihlaw, boruak tha daihnak ser hna u sih zong an ti duh bal lo. Mei a alh hluahmah cangmi ah datsi toih champ in i hlio chin seh tiah protestors hna hi a forh hna a ti.

Bidenn nih Covid kong ah a vun phomh tak ko cang. Trum cu pandemic si i covid hi zeihmanh ah a rak i relter duh lo caah hi vialte kan thihnak a si. Atu ah cun stroke market hna an vun lawn dihmi le an kharmi a vun hmuh hnu cun a thir cang ti lei in a vun ot ciamman cu, Trump nih Biden te pawl chimmi bia hi ngai ning law hinak in US ah a thimi kan tam deuh lai. Tinghnih lawng kan si lai lo.Biden dai tein um ko. Swine Flu a ral tlun lio 2009 VP na ra si lio ah leng chuah hmanh ngamh lo in dah kaw na (banger) inn chung lawng ah naa erh kho khah a ti. Trump nih Biden fapa nih a pa VP siank hmang in Tuluk le Russia sin in phaisa a eimi vialte in a von phomhnak cu ka peh te lai. A voihnih nak zong ah hin Covid kong hi adong te ball ai lo. An tuah dih bak in Trump nih le positive ve hawi kaw. By Joel Pengthang

Trump Says Coronavirus Threat To The U.S. Remains Low : Shots - Health News  : NPR

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha