A luancia thlahnih le a cheu hrawng ahkhan Yatehtaung peng Uka khua ah Tatmadaw ralkap phu pakhat an phan. June 29 zaanlei hrawng ah a si. An rak luh pah ah meithal puah thawng he an rak lut. Khua mi hna cu nunnak him duh ah an tli zaam. Inn kip ah ralkap pawl nih an lut i, an chek dih hna. Hi lio ah a cang mi ralkap mibu pakhat nih tlaihhremnak a chuah ning cu hitihin a si.Minu pakhat cu a zaam kho ding  dirhmun a rak si lo. Nau a ngeih in ni ruk telawng a si rih. Niruk telawng a si rihmi a fanu te ruangah khuachung ah aa thup. Hi lio ah ralkap pali nih an kawl i, a nau ttah ruangah an va hmuh.

RCSS/SSA Clash With Tatmadaw In Hsipaw Township | Burma News International

Minu cu ralkap nih a umnak address, NRC le a konglam an hal. Kum 36 minu, a fanu kum 19 le a fano hna cu lunghrinh mi minung an si ti ruang ah inndang pakhat ah an luhpi hna. Inn dang an luhpi hna hnu ah minu cu an tlirhkhuanh i, hramhram in an tuahto. Na zaam ahcun tapung kan in ti lai i, kan in thah lai. Na zaam lo ahcun kan duhmi na ve lai an ka ti. Ka tta le nan duhmi cu zeidah a si tiah ka hal hna. Kan duhmi cu “NA PUM” hi a si tiah an ti. Cu lio, zaam kai zalh hnik ah an ka thluk i, meithal in an ka hmuah. Naam in kan in sawh lai tiah an kan tlerh hnu ah an ka tlaihhrem.

The Tatmadaw, the Northern Alliance trio and the peace process | Frontier  Myanmar

tiah kum 36 minu nih a phuan. Cuti an tuahto hnu ah an lakah a bawibik a lomi pakhat nih minu cu phaisa thong 20 a pek. Minu nih a duh lo nain hramhram in a pek.Thawngpang nan chuahter lailo. Nan chuahter ahcun na cingla sahlawh rualchan vialte mei in kan khangh dih hna lai tiah a ka tlerh. tiah Minu nih a chim. Hi lakah phaisa a petu hi minu kum 36 a sualpi tu ah aa tel lo tiah minu nih a chimchih. Cuka hmun in a zaam hnu minute 15 hrawng ahkhin, tlaihhrem tu ralkap 3 lakah minung pakhat a rak ra than. Na fanu (kum 19) hi hlathlai ding kan ngei tiah ai kalpi.

Hi minu kum 19 hi nau a ngeihnak in niruk telawng a si rih.Ka fanu kum 19 nu cu an ka tuahto nak inn ah an kalpi than. An kal pi i, keimah bantukin naam in an tlerh. Hi lio ah ka fanu sin kal awk ah a si kho na loin ka hal hna i, ka kal. Hi tikah ka fanu cu tlaihhrem loin a luattiah minu kum 36 nih a chim. A thaizing ah hi hna nu farual hi Sittwe khua ah an zaam. An rak zaam hnu ah Nu lei kong he ai pehtlai mi phu hna sinah an phan. Cu hnu ah Sittwe khua Palik zung ah tazacuai dingin thawnghthanh ca an chuah. Tazacuainak thawng an thanh hi July 10 ahkhan a rak si.Yatettaung peng ah hibantuk thil a cangmi hi Tatmadaw lei nih an tuah lo nak kong cu Media ah an langhter ngaingai. July 2 zong ah an sual lonak kong thanhnak an tuah. Asinain, nizaan September 16 ni ah Tatmadaw lei nih an sual ko nak thawng an thanh than. Hi thawngpang hi mipi theih chinnak ding ca ah tiah vawleicung nuhrin covo phu hna sin zong ah thanh a si. Source: Myanmar Now

Burma's latest ethnic conflict intensifies as violence spreads in Shan  State | The Independent

Thawngpang dang <<<“Biatak chim ahcun mi tlaihhremtu hna hi mi zapi hmai ah thlai ka duh hna, nain nuhrin covo kha zulh a herh caah Chemical hmang in an chiatha hrawh hi kan duhpiak hna,” tiah Pakistan prime minister nih tu zarh thawk ah khan a rak chim. A ruang cu tu September 9. ah khan nutung pakhat Pakistan khualipi Lahore khua leng lampi ah a mawtaw Bensin a dih. A mawtaw chung ah a fale pahnih innka a hrenhkanh hna i palik chawn in bawmh a hal hna.

Palik a hngah hna lio ah cun patling tam ngai nih an hun fuh i mawtaw thlalang an khuai hnu ah mah nu cu le a fale cu leng ah an rawt hna. Cun nu cu a fale hmuh hngan ah an tlaihhrem. Cun a tak i ummi thilri an lak i an zaam tak hna. Cu he pehtlai in patling 15 cu an tlaih hna. Cu kong ah atu bantuk in an prime minister nih a chimmi cu a si. Cu kong ah khua lam zawh in tlaihhrem a hmangmi cu kan thah piak u tiah nu he pa he duhnak an langhter.

Pakistan will never ever start war with India: Imran Khan - The Hindu

Asinain Muslim ram an si caah an tlaihhremmi nu kha a palh a titu an um. A ruang cu nutung, nungak, nu ngakchia hi amah lawng in mui le zingka ah umter le chawhter hi an duh hna lo. A phung ah an chia lo, i aa chawkmi cu nu ttha lo ah ruah an si. Mah an tlaihhremmi nu cu France rammi sinak aa tlaihmi Pakistan nu a si. Amah lawng aa chawkmi nu nih lam tthadeuh le mi tamnak a si lo ah timhcia te in Bensin aa rawn ding a si, amah a palh tiah hi kong a hlattu pa nih Guardian ah a chim. Credit : TRCT News

Note: Mipi sinah lunglawmhnak le zaangfah nawlnak: Thawngpang {News}kan tialmi a kan relpiak tu kan Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih le hngalh ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor

By Chuncha