Mizzima news nih kawlram pumpi ah thanhnak a tuah cang. “2008 phunghram ralkap nih an remh si cun NLD party nih Gen Min Aung Hlaing cu president ah an thim kho” tiah alanghter.Laikhal NLD ttanh hna biachim in chim ahcun ralkap bawizik Min Aung Hlaing kawlram president siseh ti na duh si le NLD vote (mee) pek ding tinak si ko cang.

Chin Party cu Ralkap he nan i kom te lai, USDP he nan i fonh te lai i Ralkap nih an kan uk lai” hei tiphun NLD dirpi tu pawl cu an rak vio an rak khuang len.
Ralkap uknak na duh loahcun NLD vote ding asi tiah khua zeimaw ralthapi cha cun an khuang len ve. Ralkap locun dothlengnak hi asi kholo ti len zongah mitcaw cha in ramkhel sining a hmu kho lomi pawl nih Chin party cu Ralkap he rian an tuan lai ..cu ee kha ee…tiah an rak au khuangmeisei.
Atuahcun NLD Lutlai U Win Htain hrimhrim nih BBC Interview ah, 2021 ahcun Gen. Min Aung Hlian hi President a chuak kho cemmi asi tiah a phuang cang. Ralkap zitmuai an i tiim cang. Ralkap do tiloin hoikomh ah ser an i tim cang. Gen. Min Aung Hliang hi 2021 President asi kho men tiah 2019 ah ka ruahnak cu ka rak post bal cang. Ramkhel thei huaha lo pawl nih Chin party cu Ralkap an dirpi tiah an rak au khuang.NLD nih 2020 Cozah serkhawhnak in teinak Seat a hmu loahcun Ralkap he i fonh in Cozah dir dawh an si cang.Min Aung Hlaing a tha le thalo kha ka chim duhmi asi lo. Khah! NLD pawl an biachim i hlan ahcun ” RALKAP UK NA DUH LE NLD VOTE” ti ding asi cang.

Thawngpang dangRelchap<<< Vice President Henry Van Thio nih a ttuanchuah mi lakah ka uar tukmi le Chin miphun vialte nih lomh phu taktak bak a si ti in upat ka peeknak- 15. Chin miphun thuam a ser khawhmi- Kei hi Myanmah Socialist Lansin Party chan, General Ne Win chan lio 1968 kum June thla in Halkha Party Unit ah rian a rak ttuanmi ka si i, cu lio ah Chin upa a si
mi hna U Son Khaw Lian, Mj Kep Lo, Pu Van Kulh, Pu Khen Za Hmung, Pu K. Kim Ngin, Pu Kap Cung Nung, Pu Sing Khaw Khai, Pu Kam Lian Buai, Pu Tum Khar, Pu Pau Do Nangte hna pawl an rianttuannak kha ka theih piak hna i a cheu cu an khual tlawnnak ah an hnuzultu le a bultawltu hna tiang ka rak si bal.

Cu lawng si lo in kan Chin miphun lak ah cun upadi lei lam hruaitu a simi le kan upat mihna BA.LLB a rak awngka mi hna Pu Lian Uk, Pu Hre Lian Kio, Rev. Hniar Kio, Rev. Sang Or, Rev Dr. Chum Awi, Pu Thio Cin, Pu Cin Sian Thang, Pu Kap Tial te hna he zong i kom hawi in a ummi kan rak si hna. A hnu ah cun kei zong LL.B ka hong si ve 1973 kum constitution suai lai ah Yangon phan Chin mino hna ruahnak peekmi ca an rak ttialmi cu keimah nih tape ka rak tuk piak hna.
Mah ca ah cun an rak tlaih dih hna i kum 2 chung thong an rak thlaak hna. Kei zong an ka tlaih sual lai tiah kan cauk ttialmi cu vawlei ah ka rak phum diam. ( A tu ceu hi langhngan in ka phuan ) Hi kong hi a tu a nung rihmi Pu Lian Uk le Pu Hre Lian Kio nih a dikdiar in an theih ko lai.

Hi vialte tuanbia bantuk ka chimmi hi keimah kaa hlorh duhnak ca ah si lo in mah hi hna vialte Chin miphun kan pa le hna nih hin CHIN miphun thuam aa khat in ser an rak duh dih ko na in an ser kho hrimhrim lo. An I tonnak le an meeting tuahmi hi tampi ka rak theih ko i, a cheu record cu keimah nih tape in ka rak tuk tawn. Asinain Chin thuam, Lai thuam timihi Laitlaang chung i a ummi Myone pakua ca hmanh, lungkhat tein an rak ser kho bak hna lo. An ruahnak tha a rak ba. A tu kan Pu Henry Van Thio cu Vice President a hung chuah tik ah kan Pi Suh Kyi ruahnak peeknak in All Chin Society nih Chin thuam ser ding a van i zuam i raulo te in a ser khawh.

Chin miphun tling ai awhtu Myone pakua lawng siloin, Zofa, Asho, Sumtu, Thado, Sizin, Mara, Zo, Sami, Lautu, Zotung an dihlak hnatlaak te in ser a si i an i hruk dih cang. Kan ram hruaitu asimi Daw Awng San Suh Kyi zong nih Chin ram a tlawn ah cun aa hruk ve cang. Cu lawng si lo in mah kan Chin thuam cu ni kum 2019 kum Christmas cu Vice President Pu Henry Van Thio nih an umnak inn ah sunglawi tak in a tuah tik ah kan ram President a simi U Win Myinh le vuanci pawl hna hrimhrim zong nih kan Chin thuam angki te cu an van i hruk dih tik ah lung a leng ban tuk lomhnak mitthli a tla lai bak tuk in kan um dih.Kawlrampi uktu Vice President innpi hna I Christmas voi thumli van tuah khawh hrimhrim zong hi kan Pu Henry Van Thio lawng si lo in kan pi Anna hrimhrim a rak mak tuk, tluk awk ttha lo bak an si ko, kan Chinmi cawisang tu hrimhrim an si ka ti. Chinmi kan upa hna tampi, ahohmanh nih an rak tuah khawh lomi kan Chin miphun thuam a kan tuah piak khotu Vice President Pu Henry Van Thio hi mah hi ka cathluan hin upatnak ka peek. Catialtu: JP Biak Tin Sang

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.

Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha