Myanmar ram ah ralkap nih nawlngeihnak an lak ruangah mipi ngaihchia, thinhung in kan um i kan buai lioah Chinram he aa tlaimi Mizoram Sailutar timi khua ah Feb 9 zaan ah khan thil khuruahhar pakhat a tlung. Cu thil khuaruahhar cu mi pakhat lawng nih si loin khuami tampi nih an hmuh cio, a phone in video an thlakmi zong hmuh khawh a si.

No description available.

Feb 9, zaan 12:00 am hrawngah khan Sailutar khua Presbyterian biakinn hnulei i hmunthiang timi ah fak piin Thiang Thlarau aa phuang. Fur he aa lomi thil tampi cu lungpang tanglei khin an hung kai i hmunthianghlim i vailamtah a umnak zawn cu a khuh dih. Cu thil tete cu mit in hmuh khawh a si pinah kut in tawngh khawh a si, asinain lak khawh a si lo, tiah theih a si.

Cun cu thil tete cu a rim an hmui tuk. Khuami, a bik in ngakchia hna cu an i lawm tuk i an au, an khuang. Hi bantukin Thiang Thlarau aa phuang te lai ti hi nungak Ramdin-i nih a rak chim chung cang i cucu mi tampi an hngak.

Presbyterian Church Secretary pa nih cun “Mah zaan ah cun vancungmi pasarih hi an hung zuang i an lakah Michael le Gabriel zong an i tel. Michael cu a dang nakin a ceu khun i a ceu a tha tukmi arfi bantukin hmuh khawh a si” tiah a chim. Cun vancungmi hna nih cun muko an tum i an muko awthawng cu kan theih balmi muko thawng he aa khat lo, khuami dang zong nih an theih cio, tiah a chimchap.

Thiang Thlarau aa phuang te lai tiah a rak chimchungtu nungak Ramdin-i hi thla a cam taktakmi a si pinah Thlarau nih a umpi i a tlung dingmi thil kong a theihter tawn ti a si. Mah hlan zongah a chimchungmi hi a tak in a tling lengmang tiah a theimi nih an chim.

Sailutar khuami minung an tam lem lo, asinain Pathian a duhmi khua an si. Atu zong hi Pu James Lalramliana hmangin zantin Crusade an ngei i zeitik tiang dah an peh lai ti theih a si lo. Pathian nih a herh a ti tiang kan peh ko lai tiah an ti. Credit: Mizo Official ChannelA

Video:

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.