Nizaan ah kaphnih hna buainak cu a zualhma chinchin. Kut le kee hman in an ii phomh, cu chung ahcun Namte an hman. Lung le thing zong an hman hna tiah an chim. Hi buainak chung ahhin Mizoram minung pa4 hliam an tuar ii, Assam lei in minung pakhat athi athi tiah The Chronicle of  Nagas nih an langtar.

Amidst 'cold war', Mizoram govt asks Assam Rifles to shift base from  Aizawl- The New Indian Express

Hihi an buainak ahramthok le caan mazat an kong asi relchap: Assam ramkulh le Mizoram ramkulh ramri buainak kongah Oct 17, zaan 6:30 hrawngah khan Mizoram chung Vairengte mipi le Assam chung Lailupur mipi hna cu fak ngai in an buai tiah theih a si. Lailupur khuami hna nih Vairengte Auto Stand i IR Policecu lungin an cheh hna ruangah kaphnih khua mipi an buainak a si.

Director General Assam Rifles seeks Mizoram govt's help in setting up posts  closer to Myanmar border - The Economic Times

Vairengte khuami pakhat sinin thawng theihmi cu Vairengte Auto Stand i IR duty a ummi hna cu Lailapur in a rami mipi cheukhat nih lungin an cheh hna. Cu thawng an theih lecangka in Vairente mino hna cu IR Police bawmh dingin buainak hmun ah an kal colh. Cuti an buainak ruangah Assam cozah le Mizoram cozah nih tawngh lo dingmi hmun (status quo) an khiahmi chung i Lailupur khuami nih an sakmi inn cheukhat a kang.

Security beefed up along Assam-Mizoram border - India News

Vairengte 1 Village Council President Pu Lalrammawia Ralte nih cun “Vairengte Auto Stand pawngah hin Covid 19 ruangah IR Police duty minung pathum an um i hi pathum hi Lailupur mipi nih lungin an chehmi hna cu a si. Asinain hliam tuar cu an um hraw lo” tiah a chim.

Asinain Vairengte mipi an rat i Lailupur mipi he an buai hnuah Vairengte mipi lei in minung pathum nih fak ngai in hliam an tuar i pakhat cu nam in tukmi a si tiah Pu Lalrammawia Ralte nih cun a chim chap.Hi lioah hin Saihapui V i IR Duty nak hmun ah Lailapur mipi an phanh caah Saihapui V mipi hna zong Lailupur mipi he i tawngh dingin timhcia tein an um cang tiah theih a si.

Assam Rifles Personnel Empowered to Arrest, search Sans Warrant in NE

Phainuam Pastor Manthanga nih Saihapui V mipi hna bawmh dingin Phainuam mipi zeimawzat zong an kal ve tiah a chim. Hi ramri buainak kong ceihkhan dingin October 18, 2020 (Zarhpi ni) zinglei 10:30 am ah Mizoram cozah Council of Ministers Emergency meeting ngeih a si lai. Mizo Freelance Journalist nih a tialning ahcun Mizoram cozah nih ralkap le pali sinah a herh ahcun kahnak nawl (Firing Order) a pek cang hna tiah theih a si.

By Chuncha