Mipi sin ah athli te in Ralkap an i tel. Kan theih khawh hna nak dingah Hmanthlak hi rak zoh ve hna, Aherh tuk mi le a biapi tukmi a si caah nangmah pumpak in na theih ve hna an herh. Mipi sin i Ralkap a telmi pawl hi a thli in an si caah hngalh an har ngai, nain thaten zoh ah cun theihkhawh an si ko.

Palik he buainak chuahpi an i tim peng i an buai taktak ah cun Palik sinah an kal than. Myowady i an kah hna lio zong ah khan a bik in buainak a chuahpi tu cu anmah kha an rak si. Anmah nih Palik kha an ti hram hna, Lung in an cheh hna i Palik nih an buai ti ah an kah hna.

qd

A bik in an i timhmi cu Buai seh law an phung ning tein Uknak hi lathai usih timi lam an kawl nak a si. Ralkap pawl, a tel mi pawl cu theihkhawh an si nak cu. Pipe an i ken lai i an buai deuh lai. Mah pipe ah khan thir an hrawlh.  Mah kong hi an nupi le an tuah termi hna a si i an nupi le nih fb ah an post mi a si. Cu ca cun ralring ten kan um haumi a si.

Theihter Nak: Yangong Sule Innsang Cungah Ralkap An Um Khah .Zeipoh ah hin theih le hngalh a hau caah mah hmanthlak hi kan rak kuat hna. Akenkip ah Innsang cung ah Ralkap an um an buai te lai maw tiin mi an hngak ko.

Cu ca cun ralring tein um khawh i zuam ko hna usih, Hmun dangdang ah Palik nih an kah cang hna i,Yangong zong a chuak kho mi dirhmun si cang. Tihding le zeidang cu um lemlo,  ralkap pawl inncung i an um ruangah ttihding tikhi si lem lo, nain theih tucu a hau rua tiah kan rak hrawmh ta hna.Credit: Chin Post

Myanmar ram cu lungrethei chin lengmang dirhmun a phan cang. Kawl ralkap tuanbia zoh tikah, ram mipi duhlonak langhtermi nih an lung a thleng kho bal rih hna lo; mipi thisen tu a luang tawn.

Ramkhel lei thiamsang cheu khat nih, “2021 cu hlan lio deuh he cun aa dang tuk cang” an ti cio i cu aa dannak theipar cu a um phum te hnga maw, ti te khi kan i ruahchanmi cu a si.

UK nihcun “Myanmar ralkap uknak hi khirh tthan khawh a si ti lai lo. Zeicatiah vawlei cung democracy ram ngan bikbik hna nih ralkap uknak khirhter tthan ding tiang in an tuah khawhmi zeihmanh a um ti lo” tiah a ti.

Nizan ah ralkap lei in Min Aung Hlaing nih ralkap dirhmun fiang tein chim nolhnak a ngeih tthan i kan biakam le kan tlahttem ti bak si ko khah! Cu lawng hlah, atu an ttuan cuahmahmi rian hnahnawhnak petu vialte {sandahpiahmi telh in} action kan lak cang lai caah minung cu zat kha zat leng a buu in um a ngah ti lai lo” tiah felfai tein ramri an ser cang.

Cu bantuk an ramri te lonhnak cun thisen luan hram aa thok tawn kha a si; a luan ciami caan ah!  Sandahpiah caan a sau deuh deuh, mipi zong an thi a lin deuh deuh ve. Ralkap lei nih le an ramri an bitter deuhdeuh ve fawn.

Cucaah ram chung ummi kan miphun hawi hna hi an him lo chin lengmang cang. Zeitik poh ah, thisen luang kho peng dirhmun kan phan cang hih!  Fak chin lengmang in kan miphun le kan ram caah thlacamnak ngei ko tuah hna u sih.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.