Kannih CNLD ( miphun party ) thape ttanhtu hi comment tete kan tuahnak ah ka siarem lo mi a um tawn. Dr. Sa Sa zong fak tukin an phomh tawn. Kawl eek rut le NGO in amah pumpak rumnak a hman tbk le bia dawh cah loin an phomhnak ka hmuh tawn.

Image may contain: 10 people, people standing and outdoor

Ka u zong kawl eek rut le member hmanh ttha te zoh ttung loin blabla, nihsawh nakin an phomhmi ka hmuh len. Miphun caah anmah le an hmuhning in a kal, a chimrel cio an si ko caah, an kalpi mi le an i tlaihmi policy tu in doh hna ahkhan a zoh zong a rem i kan i tinhmi zong a khen tiah ka ruah. Phomh thlorh in phomh le bia dawhcah loin kan teo mi hna nih thlennak a chuahpi hlei lai lo. Kan i tinhmi le kan duhmi tuin dohkalh cattial nak nih hmual a ngeihter deuh lai zong ka zumh.

Dr. Sa Sa zong Chin miphun caah heh a cawlcang i kan miphun caah thil ttha tampi a chuahpi ve. Thil ttha a chuah pimi kha zoh duh loin amah lila tu heh kan den chihmi cu ka lung a nuam lo. Dr. Ngun Cung Lian zong heh an den nain Chinmi caah thil ttha a tuahmi pawl kha kan upat piak duh lo. Bia chiakha in heh kan den.

Image may contain: 2 people, people sitting

Kan i tinh mi le kan duhmi lam tu in kan dolhkalh hna awk si. Anmah pumpak fak tukin kan soisel le bia chia kha tukin kan timi hna nih zei pi a chuah pi hrim lai lo.. Kannih CNLD a ttanhtu kan comment pawl ka rel nak nih ka ruahnak tampi a ka thlen. Cucu luan deuh in party dang ka phomhmi tbk zong kha ai tal.

Miphun caah tiah thazaang a chuah i thape cio kan si cio ko hna caah, kan/ an i tlaihmi policy tu in i dohkalh hin a ttha. Pumpak fak tuk i hnursuan le bia dawh lo hman hi cu kan ngol awk si. Credit: Van Van Cinzah

Image may contain: text that says 'CNLD CNLD Chin National League For Democracy'

Ruah Chuk Cho: Ka tial lai lo tiah ka sum chih nain FB nan catial mi nih tial lo awk tha loin a ka nam tuah. Miphun min te nan hman caah soisel hi kan I thlachiat ngai. Miphun kan daw, miphun kan ttanh nan ti nain nanmah ruahning le duhning in a si ve lomi, nan pomning a pom ve lomi, nan uarmi party a uar ve lomi, nan ttanhmi party a ttanh ve lomi nan miphun hawi lila cu mai sam in nan sam hna, zoh awk tlak loin nan soisel i nan thangchiat hna. Cucu maw miphun dawt? cucu maw miphun tthanh?

Democracy ahcun kan ikhat kho zungzal lai lo. Kan I dan khawhnak kha democracy phung a si kha philh lo ding a si. Policy kongah pasal duh tawk in isoisel ding a si. Asinain nanmah he nan I khah lo cang ka in pumpak min thlir rumro in thangchiat le soisel nan hmanmi nih nanmah party lila caah chiatnak theipar a chuahpi lai zong nan ruah chih ding a si.

Image may contain: 7 people, people sitting, table and indoor

Dr.Sa Sa cu Chin miphun arfi bantuk in kan zohthla mi pakhat a si. A tuahsernak in miphun le ram a dawmi a si. Kanmah cio bantuk in ramdang ah nuam tein a fimthiamnak hmang in a um kho vemi a si. Asinain ram a dawt caah fahnak, harsatnak a thim, sifak mi harsa hna he ti le rawl a hrawm timi a si. Cucaah Chinram chung khuate bik, sifak bik le a harsa bik khuate ah khuasak a thim. Amah tluk miphun dawmi le zawnruat mi hi Laimi chungah mi tlawmte lawng an si lai.

Laitlang I facang a har lio, mautam ruangah I Laitlang kan har lio caan, Hakha a cimh lio caan ah a si khawh chung in kan miphun chanhchuah tu dingah fek tein a dirmi pasaltha a si. NLD party I aluh le cangka maisam in nan sam, sum phomh in nan phomh. Zoh awk tlak lo le rel awk tlak loin nan soisel. Nanmah party va siseh law nan lu cungah nan laamter lai a fiang tukmi a si. Mah party a si ve lomi poah, a lungfim rih lo, a hrut tuk, a molh tuk, sibawi nih politic tuah phung a si lo, Laimi sifaknak ramdang ah a zuar, Kawl sal si a duh, mah miphun nak in miphundang a uar tiah puh lo le puh lo zong kan puh viar. A ngaingai tiah cun mah bantuk a chimmi le a tialmi hi ram le mphun caah cite tun khat hmanh a chuah kho lomi ram caah rasen tun khat hlut hmanh a siang lomi lawngte an rak si.

Image may contain: one or more people, people sitting and indoor

Dr.Lian Hmung Sakhong nih 2020 Thantlang CND lio a biachim mi ah Daw Aung San Suu Kyi cungah a lunglawmhnak , a thangthatnak a rak chimmi ruangah a phunphun in soiselnak nan rak tuah thiamthiam. Nanmah party duhning lawng in biachim seh, a herh ahcun Daw Suu zong soisel seh, Boyoke Aung San tiang zong soisel seh ti khi nan duh. Dr.Lian Hmung Sakhong cu a luancia kum 32 lio in miphun caah nunnak thap in miphun caah hmawng a tthiam cangmi Chin pasaltha a si.

Nizan I Dr. LIan Hmung Sakhong le tuchun hi Dr.Lian Hmung Sakhong kha a khatmi te an si ko. Politic timi cu icelh thiam a hau. Fimkhur a hau. Hruhru hranghrang I politic tuah cu mah le mah suicide I tuah bantuk a si. Dr.Lian Hmung Sakhong thiamthiam nih Interview pakhat ah “Daw Aung San Suu Kyi kan ttanh si lo, amah tu nih a kan ttanh” tiah a chim than I, a herh lo tiang in soiselnak kan tuah than. Kanmah party duhning hoih in a chim lomi, a tial lomi le a dir lomi poah cu kan huat colh hna.

Image may contain: 2 people, people standing and indoor

Mah bantuk soiselnak kan tuahmi nih mi thinlung pakhat hmanh a la kho lo. Mi mit kan kem. A thli tein dirpi le ttanpi a timmi hna hmanh an a thlite in an I zuk diam. Policy kongah duh tawk in soiselnak tuah phung a si. Asinain pumpak i soisel le I thangchiatnak nih aho ca hmanh ah thatnak a chuapi bal lo. Mah le mah tanbo in I tuk bantuk a si. Credit: Salai Lairamthang

By Chuncha