Benjamin Sum in Myanmar Idol hnuah Pyan Twae Mae Yat he (Ton Thannak Ni) timi music video a tuah ih May 18, 2020 ah tlangzarhnak an tuah. Mipi in an duh tuk ruangah June thla chungah ‘Song of the month’ laksawng a ngah. Zarh 6 cung bak ah Joox Top 10 list ah a tel ruang ah cun Joox pawl nih ‘Zarh 6 chung bak ah a hla cu Top 10 list ah a um caah kan i lawmpi tuk tiah an ti.

Joox pawl nih kum caan ciao chungah hal sak thiam le a larbik mi thimnak an tuah i vote pek pek kho ciao ding in timh tuah nak an ngei. Hi thil an tawrrel chungah hin hlunghlai ngai in an timh tuah i Kawlram chung hlasak thiam minthang pawl zong sei mawzat an i tel nain Benjamin Sum nih ‘Half Year Award’ laksawng a ngah.Khatlam inn ah a um nungak nute timi hla a tuah than i, 18.08.2020, 8:00 am (Myanmar Time) ah full video in tlangzarhnak kan ngei lai tiah a rak chim. Cucu Tu ni 8/18/2020 ah mipi sinah tlamtling tein an rak thlak cang. Mipi nih an uar taktak khi asi.

Video:

Thawngpang dang >>Democratic lei in president ai zuammi Joe Biden nih Senator Kamala Harris cu a vice-president tuan te dingin ai thim cang. Minak le Asian American nunau vialte lakah a tu bantuk dirhmun a phan kho mi hi amah Harris lawnglawng hi a si rih. Harris hi California senator a si i, Indian-Jamaican hrinsor a si. Rampumpi cuul in miphun thleidannak ralchanh in duhlonak langhter a si lio ah police dirhmun remhsiam ah a tha lai, tiin a aupitu a si. California attorney general zong a rak tuan bal mi a si.

Looking at pressuring other Chinese companies after ByteDance ...

Nov. 3 ah Biden nih President Donald Trump hi hmaitonh in a dironh ding a si cang. “Harris hi ka lungthli tein a pakhatnak i kai thimmi a si ve” tiah Trump nih Tuesday i White House news conference ah a chim. Oct. 7 ah khin Salt Lake City, Utah ah Trump i a Vice-President Mike Pence he debate an tuah te lai. Cuhlan i Vice-president tuan dingin min an rak pek bal mi nunau hi pahnih lawng an um bal – 2008 ah khan Republican party nih Sarah Palin, cun 1984 ah khan Democrats nih Geraldine Ferraro an rak tar bal hna. An pahnih ningin an sung; White House an phan kho veve lo. American party vialte lakah a main a si mi Democrats le Republicans nih hin cuhlan hrimhrim ah vunnak (vun dang) ai ngeihmi nu hi Vice-president tuan dingin mincazin an chuahpi bal lo.Credit:Chelsea Bawi.

Note: Mipi Sinah Lawmhnak le Zaangfah nawlnak: Ka thawngpang (News) ka ttial mi a rel mi vialte mipi nan dihlak cungah ka lunglawmnak nan sinah ka langter. Ka thawngpang ttialmi na kan rel piakmi ruangah keimah zong thawngpang a dikmi le a hmanmi ka post khawhmi a si. Thawngpang kan tial mi hi kan Mipi caah tha hnemnak a chuahpi ding tial hi a pakhatnak ah kan i timh bikmi a si.
Thawngpang (News) kan lakmi hi thatein source dang ka zoh hnuah mah hi cu a hmanmi a si lai tiah ka ruah mi hna hi ka miphun a si mi “Chinmi” caah tial khawh le theihter khawh ka rak I zuam. Asi nain vawlei cung cu tlamtlinglonak a si caah Source ka lakmi ah a hman lo mi zong a um kho caah cu a hmang lo mi a si tiah nan theih mi cu zeitik caan poah ah ka theihter uhlaw keimah ca zongah ralrinnak caah a si lai i cu thawngpang a hmanmi le a dik mi cu remh le tial khawh kan i zuam cawlh than ko lai. Cu caah ka Miphun hawi hna nangmah bawmhnak zong ka herh hringhran. Thawngpang tial piak na duh sual zongah zeitik caan poah ah tial piak khawh zong na si tiah Zaangfah nawlnak he- Lungleng Tlang Editor

By Chuncha