Min Aung Hlaing Unau Nih Ambassador U Kyaw Swa Min Embassy Chung Ah An Luhter Kho Ti Lo

Min Aung Hlaing Unau Nih Ambassador U Kyaw Swa Min Embassy Chung Ah An Luhter Kho Ti Lo

UK Myanmar Embassy In Ral Lo Kap nih An Hrolh Mi Ambassador Cu CRPH He Kutsih In Rian A Tuan Lai. UK ram, London khua i Myanmar Embassy in Myanmar ralkap misa pawl nih an hrolh mk Ambassador U Kyaw Swa Min cu CRPH he kutsih in rian a tuan lai, tiah UK khuasa Myanmar rammi hna nih ni hin ah ca thanh an chuah.

Myanmar ral lo kap nih UK Myanmar Embassy tuanvo latu ding ah an mah minung a simi Dr. Chit Win rian an khinh. Dr. Chit Win le a minung pawl nih ca cawn nithum ni ah UK Myanmar Embassy nawlngeihnak an chuh i Ambassador U Kyaw Swa Min cu Embassy chung ah luhnak nawl an pe ti lo.

Myanmar ral lo kap nih UK Myanmar Embassy ah Ambassador thar rian an khinhnak kong zong UK ramleng vuanci sin ah thawngthanhnak ca an pek. UK ramleng vuanci tu nih cun, “Myanmar cozah biachah ning in kan tawlrel ko lai,” tiah a langhter. BBC. Lodon myanmar embassy cu ralhrang bu riantuantu hna nih nawlngeihnak an cuh.

Zanlei suimilam 6 hrawng cozah palai leng chuak hlan ah ralhrang embassy riantuantu hna nih an luh hnawh i kanmah kan thu cang lai tiin Innchunglei in innka an hrenh caah a ho hmanh lut khawh a silo.  Achungah zeidah acang zong kan thei kho lo.

Cozah palai U Kyaw Suar Min le london um kawlram mi hna cu a chungah lut an zuam cuahmah lio a si tiah theih a si.

Relchih: U Kyaw Swar Min cu 2021 march (9) ah ramleng pehtlaihnak zungin kan auh cang mi a si tiin 2021 April (7) ah Kawlram Embassy in British Foreign Ministry sinah ca an kuat. Mah caa ahcun Kawlram palai thar Dr. Chit Win min thut mi a sii, 2021 April ni (7) zan lei suimilam (5) ah Dr. Chit Win cu Palai rian vialte pek a si cang tih a si.

Mah kong he pehtlaihin UK Foreign Secretary Dominic Raab nih zahan London ah ralkapbu thil tuah ning cu kan duh lo ngai. U Kyaw Swar Min hmalak hnga dingah thazaang ka pek i, Kawlram ah Democracy nunphung a um than zawkzawk khawh nak dingah kan nawrh rih lai tiah amah twitter page ah a tial.

U Kyaw Swar Min hi CDM atuah mi cu a silo nain, Daw Aung Suu Kyi le President U Win Myint hna thlah tthan dingin Ralkapbu Council sinah nawlnak ca a rak pek bal cang.

Leave a Reply

Your email address will not be published. Required fields are marked *