Mi Tlau Thawngthanh: Mangkheng khuasa, Hakha khua mi Pu Ceu Hlei Sang (Sang Aa) cu Vambai khua ah thing put in an i hlawhfa i, an riahnak buuk in October 24, Zarhte zaan ah a tlau.
Pu Ceu Hlei sang cu Hakhathar sang um Pi Men Sung fapa a si i kum 33 a si.

Image may contain: 1 person, tree and outdoor

Vambai khuami nih an kawl len nain an hmu rih lo. A hmutu nan um ahcun Phone No. 09400304969 asiloah 09263759963 ah thawng nan kan thanh naklai kan in nawl hna. Hi bantuk thawng hi lung a nuam lo ngai mi a si caah a ho paoh nih i zuam hnawh cawlh ding zong in kan in sawm ko hna, Chungkhar le khuami an lungre theihnak hi mipi zong thlacamnak he mah umnak cio zong in bawmh hna uhsih. Nun dam tein an hmuh cawlh zong zumh a um. Mah hi The Hakha Post nih a post mi chungin kan lakmi a si. Tampi in share khawh cio i zuam hna uhsih.

Zumtu nusaltha Khrihfa mi nih kan ngeih mi Pathian bia chimnak ah siseh, catial lei zong ah a min a thang i, Khrihfa mi tamtuk amah thawng a chuah ter tu le Nubu riantuannak ah caan saupi hruaitu a si mi nih a kan thih tak tikah zumtu mi vialte kan lung a fak dih, amah hi kum 12 a si in biatiamnak a ngei mi cu pasal ka ngei lai tiah biathluknak a rak ngei. Mah hi C-Ministry nih an langter mi chungin a si,

Thusim le Cangan Thiam Luci Swindoll C19 Natnak Thawn Thi: Khristian cangan thiam le thusim thiam hminthang Luci Swindoll cu Covid-19 natnak tuarin October 20 ah a thi. A nih cun kum 12 a kim tikah pasal nei lo dingin thuthluknak a tuah, hmanseh kum 18 a kim tikah tlangval pakhat thawn neihawk ding lungkimnak a rak tuah, asinan cu khal a rak phelh sal thotho.

Cutin pasal nei lo lawlaw in Pathian thu thawn nunau pawl tundinnak hna a tuan ih cabu thatha a rak ngan, thu thatha sim in pum a rak peaw. A thih tikah kum 88 a si. 1996 ah Women of Faith timi pawlkom hnatuan a rak thok ih nubu 20,000 lai tiang a rak hruai thei. Women of Faith cangvaihnak cu 2016 ahkhan an rak titawp.
Thuhram: Christianheadlines Covid-19 natnak a reh theinak dingah le sii a suak zamrang theinak dingah thlacam uh si.

Note: Mipi sinah lunglawmhnak le zaangfah  nawlnak, Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah Post khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh Source kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.