Malaysia ram um Myanmar ralzam 1,200 cu Malaysia cozah nih Myanmar ram ah kuat ding in timhtuahnak a ngei nain Myanmar ram ah ralkap nih uknak a lak ruang ah UNHRC nih kuat tthan lo ding in a thloh, tiah theih a si. Myanmar ralkap nih uknak an lak hnu ah Myanmar ralzam pawl lak nakding ah ralkap tilawng pathum Malaysia lei ah kan rak thlah lai tiah Myanmar ralkap le Malaysia cozah biaruahnak an ngei i, Malaysia cozah a lung a tling.

Image result for malaysia unhcr

“Hremnak le nuhrin covo buarnak an ton nakding ram ah ralzam pawl kuat tthan lo ding (The Principle of Non-refoulement) timi International Human Rights upadi hi Malaysia ram zong a huap. Cucaah, Myanmar ralzam pawl hi ralkap uknak tang ah Malaysia nih a kuat tthan hna awk a si lo,” tiah Kuala Lumpur i UNHRC chimnak nawlngei Yante Ismail nih a chim.

Malaysia Immigration Director-General Khairul Dzaimee Daud nih Myanmar rammi 1,200 an ram lei ah kan kuat tthan hna lai tiah February 11 ah khan a chim caah UNHRC nih a hun thlolh colh hi a si.

Image result for malaysia unhcr

Malaysia ramchung nuhrin covo kong a cawlcangtu zatlang bu pawl zong nih Myanmar ralzam pawl hi ralkap uknak tang ah kan khirh tthan hna a si ahcun an ca ah ttihnung a si, tiah lungretheihnak an langhter ve. Malaysia cozah nih Myanmar rammi 1,200 a kuat taktak hna lai le kuat taktak hna lai lo hi fiang in theih a si rih lo.

Malaysia cozah nih ramdangmi tlaihkhihmi pawl an chiah hnanak (Detention Centers) pawl ah August 2019 thawk in UNHRC luhnak nawl a pek ti lo caah UNHRC nih ahote dah refugee ngaingai an si timi hliah awk ah aa harh ngai cang.

Cun, atutan Myanmar rammi 1,200 an ram lei kuat tthan ding in Malaysia cozah nih timhtuahnak a ngeihmi kong hi UNHRC ah Malaysia cozah nih phungning in thawngthanhnak a tuah rih lo.

Malaysia nih Myanmar rammi kuat tthan a timhmi minung 1,200 lak ah International Protection tuahpiak a haumi nu le ngakchia tampi zong an um kho, tiah UNHRC nih a chim. Cherhchan: Reuters, Free Malaysia Today

Rechih: {Burmese Below)  .Kayah Ramkulh ah palik phu hna cu cheuthum cheukhat tluk nih CDM ah an i tel cang tiah theih a si. Kayah ramkulh ah palik 240 an um i nihin (February 13) tiang ah Palik 70 tluk CDM ah an i tel cang. Hi pin zong ah ai tel ding an um rih tiah theih a si. Atulio ramchung a palik nih CDM i telnak a ṭhawng bik hi Kayah ramkulh a hung si.

Kawlram chung ralkap cheuhra ah cheukhat hna ii an ralkap nupi le police nih an pasal le then ding in cathanh an chuah tiah an chim. A ruang cu an pasal le nih ralkap uk nak ah heih tiah kal hlan an Itimh ko rih caah asi tiah an chim. Anmah ralkap zong nih duhlo nak alang ter tu mipi hna hi fak nak pek ding in an tuk a sumh ko cang tiah an chim fawn.Tutang ah teinak kan hmuh lo ahcun hi nak in laam ttha le caan ttha deuh a um ti lai lo ti khawh asi.

Note: Mipi sinah lunglawmhnak le zaangfah nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Chief Editor.

By Chuncha

Leave a Reply

Your email address will not be published.