Mee firmi pahnih an tlaih hna. Carlos Antonio De Bourbon-Montenegro, 53, le Marcos Raul Arevalo, 34, cu Los Angeles county ah inn ngei lomi pawl min in mee 8000 leng an thlak caah an tlaih hna. Taza cuaitu hna nih an chim ning ah cun an tuahmi hi a si ko ti a fian ah cun Montenegro cu kum (15) le thla (8) thong a tla lai i, Arevalo cu kum (7) thong a tla ve lai ti a si.

Hi hna pa hnih nih hin July le October karlak ah inn ngei lomi hna min in mee 8000 leng thlaknak a sawk ti a si. Credit: Rev. Biak Lian Vel, Cherchanmi: Khrihfa thawngzamhnak CBN news 11/18/2020 09:59:56 AM Andrea Morris

Georgia ah a voihnihnak ah mee rel rih lomi mee 2700, a voi thumnak ah cazin ah khumh lomi memory stick an hmuh chap than. Georgia ah Biden nih Trump cu a tei tiah thawng an thanh dih hnu ah kut in an relter than hna. Cu tikah Nihnihni ah thimnak ni ah rel bak lomi mee 2600 kha Floyd county ah a voikhatnak an hmuh.

Donald Trump touts poll showing him at 50%, not the one putting him at 41%  - National | Globalnews.ca

Cu hnu tlawmpal ah county a dang pakhat ah rel rih lomi mee 2700 a voihnihnak an hmuh chap than. Cu lawng siloin a voithumnak ah a dang county ah memory stick pakhat, Trump mee deuh ngawt a simi, cazin ah an khumh lomi, kha an hmuh than hoi. Georgia ah hin county 159 an um va si kaw, a dang county zong ah hi bantuk hi a um theu lai an ti cang.

Georgia hi electoral vote (16) umnak a si i kha hlan ahcun Republican (Trump lei) tangmi ah ruahmi a si. Hi Republican state ah Biden nih teinak a hmuhmi hi a phunphun in media hna nih cun an chim. Sihmanhsehlaw zei ruang setset ah dah a si ti cu a rauh hlan ah a fiang ko lai.

White House Press Secretary Kayleigh McEnany nih cun hihi philh sualmi cu a si lo. A thlithup in a hlan kan te in rak timhlamhmi a si i hlanmi minung an um ti a fiang. Cucaah tuanvo ngeitu hna cu phuah tiang an tong lai a ti. Nawlnak: Spelling ka palh sual lai ti ka phan caah cu a dang county pahnih min cu ka tial hna lo. Rev. Biak Lian Vel Cherhchanmi: Fox News

Note: Mipi sinah lunglawmhnak le zaangfah  nawlnak: Thawngpang News kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang News kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi Chinmi nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh Source kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang News siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha

Leave a Reply

Your email address will not be published.