Malaysia i kan farnu Sui Hlei Tial Mual a kan liam takmi Thantlang ah an tlungpi mi bulhnak tlamtling in nan pekmi Pu Cung Hu Blood sinah Ngun Hlei Iang Nih a kuatmi thawng a kan thanhmi cu lawmh a um hringhran. Petu dihlak cungah lawmhnak tampi kan ngei. Sui Hlei Tial bulnak cu tlamtling tein kakuat cang . Kawlram 540,000 cu Pu Cung Hu Blood sin ah kuat asi cang. Siantawk petu pumpak cungah kaalawm. Joseph nu. Cheukhat nan min ka theilo caah ka chinchiahnak in ka tialmi zong aum.

Phaisa thawhtu cazin. Mente le hawinu 70, Sang ceu Lian 175, Opa nu 100, Biak Thawng Ceu 100, Timsqure tuanmi nu 100, Van Tha bik nu 50, lal wm pui le hawi 240, Ilizah nu 50, Biak cung lian 50, Zawni Australia 50, Solomon 100, Maalian 50, Sui men Thluai 50, Bawi cin par 20, Cung bawi 20, Hniar hnem 50, Min langhterlomi 50, Ceu Thawng 30, Iangte khenglawt 100, Min langhterlomi 50, Azatein RM 1505 le Norway lei in Nukhin nih keimah sinah ting1 a rak fonh ve. Credit: Ngun Hlei Iang

Kan farnu Sui Hlei Tial ruak tawlrelnak he pehtlai in pehzulh fianternak: 2020 October 08, zinglei 09:00-11:00 ah Thantlang penguk zung ah cozah zunglei nawlngeitu, khua nu/pa le TYA/TSC upa tonbiaruahnak kan ngei. A biapi in kan lungfah, ngaihchiatnak le biakhiahnak ngeitu Covid-19 main committee ah khuami le zatlang phu telh le ruahnak hal ding ah chimhruah a si.

2020 October 08, zanlei 1:00- 4:00 ah Chin ramkulh cozah in Vuanci Pu Soe Htet, Upadi Choh Pu Sonny Thang Cung, Chin ramkulh uknak zung bawizik, Palik bawizik le khua nu/pa, biaknak lei, ngaihchiatnak tong mi chungkhar le TYA/TSC kan i tel. Tonnak a dih hnu ah Ramkulh cozah le TYA/TSC lawng tel in tonnak ngeih ding in hal a si i a dih hnu ah kanmah le Cozah upa lawng zalong tein kan i tong.

Chin ramkulh cozah sin ah kan hal mi cu: 1. Hi kongkau ah mizapi lei teltumnak in a zalong mi hlathlai phu (Independent Inquiry Commission) dirh i hmuhchuah mi fianhnak le dantatnak ngeih ding 2. Peng huap Covid-19 Committee ah khuami teltumnak ngei ding in remhsiam ding 3. Hihnu hmailei ah hi bantuk a um lo nakding le Covid-19 zulhphung he aa tlak in aho mithi zong nih thlaan hmunte ah an i vui khawh nakhnga tawlrelpiak ding

Hi a cunglei kan hal mi kong ah Chin ramkulh cozah nih ruahpiak ding le Statement siseh, thawngfianhnak tuahpiak ding in lehnak an kan ngeih. Thantlang Youth Association

Note: Mipi sinah lunglawmhnak le zaangfah  nawlnak: Thawngpang {News}kan tialmi a kan relpiak tu ka Miphun Chin/Laimi nan dihlak cungah lunglawmhnak tampi chim cawklo kan ngei. Thawngpang kan tialmi nan kan relpiaknak thawngin a dikmi le a hmaanmi thawngpang {News} kan thlah{Post}khawh hi mipi nan thawngin asi.

Thawngpang  kan tialmi hi careltu mipi caah thathnemnak si hram seh tihi kan itinhmi asi. Chirhchanh {Source} kan lak hnu ah a dik mi asi lai tiah kan ruah mi kha kan Miphun Laimi {Chinmi} nih fawizang tein kan theih khawh cio nakhnga theihter khawh kan i zuam. Asinain vawleicung cu tlamtlinlonak a si caah chirhchanh {Source} kan lakmi tete hi a dik lomi a um khawh caah a dik lomi thawngpang a si tiah nan ruahmi kha zeitik caan paoh ah theihter khawh kan si i, kanmah lei zong in a dikmi thawngpang tial khawh le kan palhmi remh khawh kan i zuam lai.

Mipi nih theih ve hna seh ti na duhmi, thawngpang {News} siseh, Pathian bia siseh, siaherhnak bia in siseh, capar biazai le theihtlai pawl tialpiak ding a um ahcun zeitik caan poah ah tialpiak le thlahpiak khawh zong a si. Nan dihlak cungah lunglawmhnak le zaangfah nawlnak he- Lungleng Tlang Editor.

By Chuncha