Nizan ah kan theih cio bantuk in Malaysia Pudu pawng ah COVID-19 zawtnak minung 40 an hmuh cang caah nawlngeitu nih an sang cu thlirhling bak in a kulh cawlh hna, Hi ka hmun hrawng hi Laimi 2000 hrawng dengmang umnak sang a si tikah thinphan ngai in an um cio hna. an sang kha check dih ding dirhmun an si caah Card hna a tlai lo mi um sual ahcun ti zong kha thinphan a um pah.

A si nain Pathian a tha! Zeihmanh tih ding a um lo! Siibawi pawl nih, inn kip ah an kai i innka in an kan auh, Bia tampi zong a kan hal lo! Siibawi pawl zong an ziatha tuk! Nan thinphang tuk hlah sehlaw, UN card an kan hal le, kan min, kan phone number le kan umnak inn leihsa, an kan hal le si ko, ACR/ CRC card zong a poi lo, a ngah ko tiah thanwgpang tha deuh ngai kan vung theih ve tikah kan hna a ngam deuh ngaingai.

A si khawh ahcun Pudu sang lei cu a ho hmanh kal lo rih zong a tha, zawtnak zong an check cuahmah hna lio a si. Family in checknak an tuah hna ti zong thanwg kan theih. Mah an check hna pawl hi ni 14 chungah an result zong a chuah lai tiah kan theih ning asi. I ralrinnak ngei tluk hi a tha mi zei hmanh a um lo ti lo, kan himnak ding le kan damnak ding asi caah a ho cio poah kan pawng i thil a cang mi kan hmuh kan theih ko ahcun a herh lo tuk ahcun chuah lo in inn chung ah um khawh i zuam ko hna uhsih. Malaysia kan Chinmi unau hna an caah thlacam in bawm hna uhsih, Zawtnak pakhat hmanh an cungah a tlung ve lonak hnga.

Video Credit: Salai S Thlasling

By Chuncha